Aðstoðarleikskólastjóri - Leikskólinn Hamravellir

Heilsuleikskólinn Hamravellir auglýsir eftir aðstoðarleikskólastjóra

Leikskólinn Hamravellir er sex deilda leikskóli staðsettur á Völlunum í Hafnarfirði. Hamravellir starfa eftir hugmyndafræði Heilsustefnunnar þar sem lögð er áhersla á næringu, hreyfingu og listsköpun í gegnum leik. Markmiðið er að auka gleði og vellíðan barnanna í þeirri trú að hollt mataræði og mikil hreyfing séu grunnurinn að skapandi, frjóu og ánægjulegu lífi.

Leitað er eftir einstaklingi sem hefur góða hæfni í samskiptum og samstarfi, vilja til að þróa leikskólastarf, er skipulagður og umbótadrifinn og hefur metnað til að ná árangri í starfi. Mikilvægt er að viðkomandi sé faglegur leiðtogi, lausnamiðaður og jákvæður.

Markmið mennta- og lýðheilsusviðs Hafnarfjarðarbæjar er að vera faglegt og framsækið forystuafl í mennta-, æskulýðs- og íþróttamálum og veita börnum og fjölskyldum í bænum heildstæða þjónustu og stuðla að samfellu í öllu starfi sem hefur velferð íbúa að leiðarljósi.

Helstu verkefni og ábyrgð:

• Vinnur að og ber ábyrgð á, ásamt leikskólastjóra, að unnið sé eftir aðalnámskrá leikskóla og skólanámskrá leikskólans, að áætlanir þar um séu gerðar og reglulegt mat fari fram
• Er aðstoðarmaður leikskólastjóra og staðgengill hans
• Sinnir, ásamt leikskólastjóra, skipulagi skólastarfsins dag frá degi
• Leiðbeinir inn í fagstarf hverrar deildar og sinnir snemmbærum stuðningi við nemendur með ólíkan menningarlegan bakgrunn og tungumál
• Sér um samskipti og samvinnu við foreldra í samráði við leikskólastjóra
• Situr foreldrafundi, sem haldnir eru á vegum leikskólans
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Leyfisbréf sem kennari, leyfisbréf fylgi umsókn
• Reynsla af starfi á leikskóla og leikskólakennslu skilyrði
• Framhaldsmenntun á sviði stjórnunar eða uppeldis- og/eða kennslufræða kostur
• Stjórnunarreynsla kostur
• Frumkvæði í starfi og faglegur metnaður
• Sjálfstæð og skipulögð vinnubrögð
• Góð samstarfs- og samskiptahæfni
• Góð íslenskukunnátta
• Góð tölvukunnátta

Skilyrði er að viðkomandi hafi hreint sakavottorð.

Nánari upplýsingar veitir Árný Steindóra Steindórsdóttir, deildarstjóri leikskólamála [email protected].

Launakjör eru samkvæmt kjarasamningi Sambands íslenskra sveitarfélaga við KÍ v/ Félags stjórnenda leikskóla.

Umsóknarfrestur er til og með 31. mars 2025.

Greinagóð ferilskrá, kynningarbréf og leyfisbréf fylgi umsókn.

Öllum umsóknum verður svarað eftir að umsóknarfrestur er liðinn og unnið hefur verið úr umsóknum.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.