Álfatún

Leikskólinn Álfatún er 5 deilda leikskóli en það dvelja um 85 börn. Leikskólinn er staðsettur í skjólsælum reit austast í Fossvogsdalnum og er í beinum tengslum við útivistarsvæðin í dalnum. Okkar stoðir byggja á útiveru, þar sem við njótum þess að fylgjast með breytingum á náttúrunni, fara út fyrir garðinn, leika okkur í náttúrulegu umhverfi og lenda í ævintýrum. Í leikskólanum Álfatúni er mikil áhersla lögð á málörvun, hreyfingu og skapandi starf. Einnig er lögð áhersla á samskipti og þess að njóta samvista með öðrum, að gefa börnum færi á að tjá hugsanir og hugmyndir eftir fjölbreyttum leiðum og styrkja sjálfsmynd þeirra. Við viljum að traust, umhyggja og jákvæðni einkenni samskipti á milli allra sem að leikskólanum koma.

Vinnustaðurinn

Aðstoðarleikskólastjóri í leikskólann Álfatún

Leikskólinn Álfatún er 5 deilda leikskóli á besta stað í Fossvoginum. Í leikskólanum eru 79 börn á aldrinum 1 – 6 ára.

Við leitum að öflugum leikskólakennara í stöðu aðstoðarleikskólastjóra frá september/október eða eftir samkomulagi. Aðstoðarleikskólastjóri er staðgengill leikskólastjóra. Hann er leiðandi aðili í skipulagi faglegs starfs innan leikskólans og tekur virkan þátt í stjórnun og umsjón starfsmannamála ásamt virku samstarfi við foreldra.

Áherslur okkar eru málrækt, hreyfing, útivera og skapandi starf í gegnum leik. Áhugi okkar snýr að því að auka lýðræði, skapandi hugsun og menningu. Við leggjum áherslu á góðan starfsanda þar sem áhersla er lögð á liðsheild, umhyggju, jákvæð samskipti, gleði og lausnamiðaða hugsun.

Aðstoðarleikskólastjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og skólastefnu Kópavogsbæjar.

Nánari upplýsingar um leikskólann er hægt að finna á https://alfatun.kopavogur.is/

Helstu verkefni og ábyrgð

Er staðgengill leikskólastjóra í fjarveru hans
Faglegur leiðtogi og mentor fyrir aðra starfsmenn
Tekur þátt í skipulagsvinnu og mótun skólastarfsins
Tekur þátt í foreldrasamstarfi, upplýsingagjöf og kynningu á skólanum
Tekur þátt í ráðningum starfsfólks
Tekur þátt í launavinnslu, skýrslu- og áætlanagerð
Tekur þátt í innkaupum og rekstri skólans
Sinnir að öðru leyti þeim verkefnum er varðar stjórnun leikskólans sem yfirmaður felur honum

Menntunar- og hæfniskröfur

Leyfi til að nota starfsheitið leikskólakennari og reynsla af starfi í leikskóla
Æskilegt er að viðkomandi hafi framahaldsnám í stjórnun eða öðru sem nýtist í starfi og/eða reynslu af stjórnun leikskóla
Forystuhæfileikar og góð færni í mannlegum samskiptum
Fagleg forysta, sýn og vilji til nýbreytni og þróunar í leikskólastarfi
Frumkvæði, lausnarmiðuð hugsun og metnaður til að ná árangri í starfi
Reynsla af vinnu með börnum
Góð tölvukunnátta
Góð íslenskukunnátta

Fríðindi í starfi

Styttri vinnuvika, vinnustytting er að hluta til notuð í lokanir í jóla- páska- og vetrarfríum.
Starfsfólk Kópavogsbæjar fær frían aðgang að sundlaugum bæjarins.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Þeir sem ráðnir eru til starfa í leikskólum Kópavogs þurfa að undirrita heimild til að afla upplýsinga úr sakaskrá og skrifa undir trúnaðaryfirlýsingu.

Umsóknarfrestur er til og með 24. ágúst 2025.

Tekið verður mið af jafnréttisstefnu Kópavogsbæjar við ráðningu í starfið.

Fyrirspurnir má senda á [email protected]

Tekið er á móti umsóknum í gegnum ráðningarvef Alfreðs.

Auglýsing birt9. ágúst 2025

Umsóknarfrestur24. ágúst 2025

Tungumálahæfni