Efstihjalli

Leikskólinn er í grónu hverfi í göngufæri við Fossvogsdal, Kópavogsdal og Digraneshæð. Leikurinn í allri sinni fjölbreytni er kjarninn í uppeldisstarfinu. Einnig er unnið í litlum hópum að hinum ýmsu verkefnum sem örva félagsfærni barnanna, styrkja sjálfsmynd þeirra og auka skynreynslu. Skipulögð hreyfing fer fram í aldursskiptum hópum einu sinni í viku.

Vinnustaðurinn

Aðstoðarleikskólastjóri í Efstahjalla

Spennandi tækifæri fyrir metnaðarfullan leiðtoga

Efstihjalli er 5 deilda leikskóli í grónu hverfi í göngufæri við Fossvogsdal, Kópavogsdal og Digraneshæð. Leikskólinn er fjölmenningarskóli með tæplega 40% barna af erlendum uppruna. Húsnæði leikskólans og útileiksvæði er nýuppgert.

Kópavogsbær er barnvænt samfélag sem er í stöðugri þróun og staða aðstoðarleikskólastjóra við Efstahjalla er tækifæri fyrir áhugasaman stjórnanda að þróa áfram metnaðarfullt starf með börnum og öflugum starfsmannahóp.

Aðstoðarleikskólastjóri er staðgengill leikskólastjóra. Hann er leiðandi aðili í skipulagi faglegs starfs innan leikskólans og tekur virkan þátt í stjórnun og umsjón starfsmannamála ásamt virku samstarfi við foreldra.

Menntunar- og hæfniskröfur

Leikskólakennaramenntun og leyfisbréf kennara

Reynsla af starfi og stjórnun í leikskóla

Framhaldsnám í stjórnun eða sambærileg menntun sem nýtist í starfi æskileg

Hæfni í mannlegum samskiptum

Fagleg forysta, sýn og vilji til nýbreytni og þróunar í leikskólastarfi

Frumkvæði, lausnamiðuð hugsun og metnaður til að ná árangri í starfi

Góð tölvukunnátta

Góð íslenskukunnátta og ritfærni

Launakjör eru samkvæmt kjarasamningi Sambands íslenskra sveitarfélaga og viðeigandi stéttarfélags.

Um er að ræða 100% starfshlutfall.

Umsóknarfrestur er til og með 6. júní 2023. Ráðið verður í stöðuna eftir samkomulagi.