Laus störf Hæfnileit Vinnustaðir Námskeið

Sólhvörf

Leikskólinn Sólhvörf er staðsettur í fallegu umhverfi Elliðavatns, við Álfkonuhvarf 17 í Kópavogi. Deildir leikskólans eru sjö talsins en þar dvelja að jafnaði um 130 börn á aldrinum 1 - 6 ára. Starfað er eftir hugsmíðahyggju sem byggir á kenningu Jean Piaget um nám og þroska barna. Áhersla er lögð á sjálfræði barnanna en það felur í sér ábyrgð og sjálfsaga og leggjum við áherslu á að kenna börnum frá unga aldri að temja sér hvoru tveggja. Í Sólhvörfum nýtur hver einstaklingur virðingar og leggur sitt af mörkum til starfsins. Lögð er áhersla á að börn læri að bera virðingu og umhyggju fyrir öðru fólki og þrói með sér samkennd, tillitssemi og vináttu. Einnig er stefnt að því að barnið byggi upp þekkingu með eigin virkni. Tækið sem barnið notar til náms er leikurinn sem er kjarninn í uppeldi og menntun þess. Virðing, sjálfræði og virkni eru gildi sem birtast einnig í vinnuskipulagi starfsmanna því mikil áhersla er á samhjálp, samvinnu og dreifða ábyrgð starfsmanna.

Vinnustaðurinn

Aðstoðarleikskólastjóri

Leikskólinn Sólhvörf er staðsettur í fallegu umhverfi Elliðavatns, við Álfkonuhvarf 17 í Kópavogi. Hann tók til starfa árið 2008 og þar dvelja um 130 börn á aldrinum 1-6 ára á sjö deildum.

Sólhvörf fylgir áherslum Hugsmíðahyggjunnar í uppeldisstarfi leikskólans með áherslu á sjálfræði barnsins, þar sem börn læra með því að prófa sig áfram í leik og starfi. Leikurinn er kjarninn í uppeldi og menntun hvers barns en í gegnum leikinn byggir barnið upp þekkingu. Lögð er áhersla á að börn læri að bera virðingu og umhyggju fyrir öðru fólki og þrói með sér samkennd, tillitssemi og vináttu.

Aðstoðarleikskólastjóri er staðgengill leikskólastjóra, er leiðandi aðili í skipulagi faglegs starfs innan leikskólans og tekur virkan þátt í daglegri stjórnun ásamt virku samstarfi við foreldra. Aðstoðarleikskólastjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum, mannauðs- og skólastefnu Kópavogsbæjar.

Einkunnarorð skólans eru virðing, sjálfræði og virkni.

Heimasíðan okkar er: https://solhvorf.kopavogur.is/

Helstu verkefni og ábyrgð

Vinnur ásamt leikskólastjóra að daglegri stjórnun leikskólans og skipulagningu skólastarfsins
Ber ásamt leikskólastjóra ábyrgð á að unnið sé eftir aðalnámskrá leikskóla og skólanámskrá leikskólans, að áætlanir þar um séu gerðar og reglulegt mat fari fram
Er staðgengill leikskólastjóra í fjarveru hans
Faglegur leiðtogi og mentor fyrir aðra starfsmenn
Tekur þátt í skipulagsvinnu og mótun skólastarfsins
Tekur þátt í foreldrasamstarfi, upplýsingagjöf og kynningu á skólanum
Tekur þátt í ráðningum starfsfólks
Tekur þátt í launavinnslu, skýrslu- og áætlanagerð
Tekur þátt í innkaupum og rekstri skólans
Sinnir að öðru leyti þeim verkefnum er varðar stjórnun leikskólans sem yfirmaður felur honum

Menntunar- og hæfniskröfur

Leikskólakennaramenntun og leyfisbréf kennara
Framhaldsmenntun í stjórnun eða sambærileg menntun sem nýtist í starfi æskileg
Reynsla af starfi og stjórnun leikskóla
Fagleg forysta, sýn og vilji til nýbreytni og þróunar í leikskólastarfi
Sjálfstæð vinnubrögð, lausnamiðuð nálgun og metnaður til að ná árangri í starfi
Frumkvæði, forystuhæfileikar og góð færni í mannlegum samskiptum
Góð tölvukunnátta
Góð íslenskukunnátta

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Styttri vinnuvika - stytting að hluta til notuð í páskafrí, tvö vetrarfrí og jólafrí.

Frítt fæði.

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Þeir sem ráðnir eru til starfa í leikskólum Kópavogs þurfa að undirrita heimild til að afla upplýsinga úr sakaskrá og skrifa undir trúnaðaryfirlýsingu.

Umsóknarfrestur er til og með 9. mars 2026.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Nánari upplýsingar veitir Dóra Margrét Guðmundsdóttir leikskólastjóri í síma 4417700 eða á netfangið [email protected]

Tekið er á móti umsóknum í gegnum ráðningarvef Alfreðs.

Auglýsing birt23. febrúar 2026

Umsóknarfrestur9. mars 2026

Tungumálahæfni