Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri Veitingaþjónustu

Veitingaþjónusta Landspítala óskar eftir að ráða öflugan aðstoðardeildarstjóra til að taka þátt í umbreytingu á spennandi starfsemi inn í nýja tíma sem framundan eru.

Veitingaþjónusta heyrir undir Rekstrar- og mannauðssvið og rekur eitt stærsta framleiðslueldhús á Íslandi, þar sem daglega eru framleiddar um 6.000 einingar fyrir sjúklinga, aðstandendur og starfsfólk. Deildin rekur einnig 11 matsali og 2 kaffihús undir nafninu ELMA matsalir. Hjá veitingaþjónustu starfa rúmlega 100 einstaklingar í samhentri deild og fást við fjölbreytt og skemmtileg verkefni.

Leitað er eftir einstaklingi með framúrskarandi leiðtoga- og samskiptahæfni, farsæla stjórnendareynslu, hæfni til að móta jákvætt starfsumhverfi og byggja upp sterka liðsheild. Viðkomandi þarf að búa yfir frumkvæði, eldmóði og miklum áhuga á að starfa með stjórnendum, starfsfólki og aðilum innan og utan spítalans til að stuðla að framþróun á starfsemi veitingaþjónustu.

Starfshlutfall er 100% og er starfið laust frá 1. janúar 2025 eða eftir nánara samkomulagi.

Menntunar- og hæfniskröfur

Framúrskarandi leiðtoga- og samskiptahæfileikar, jákvætt lífsviðhorf og lausnamiðuð nálgun

Frumkvæði, drifkraftur og stefnumótandi hugsun

Fagleg vinnubrögð og framúrskarandi skipulags- og greiningarhæfni

Stjórnunarreynsla, t.d. á sviði viðamikilla verkefna, málaflokka eða úr sambærlegum rekstri

Háskólamenntun sem nýtist í starfi

Framhaldsmenntun á háskólastigi sem nýtist í starfi er æskileg

Helstu verkefni og ábyrgð

Skipuleggur og stjórnar daglegri mönnun í samráði við deildarstjóra

Styður deildarstjóra við reglulega endurskoðun mönnunarlíkana og vinnuskipulags

Ber ábyrgð á birtingu vaktaáætlana og yfirferð vinnustunda í samstarfi við aðra stjórnendur veitingaþjónustu

Ber ábyrgð á öryggisstarfi sem snýr að starfsfólki og vinnuvernd, t.d. hvíldartímar, heilsuvernd, áhættumat starfa o.fl. ásamt umbótum

Umsjón með gerð og endurskoðun starfslýsinga

Umsjón með móttöku nýs starfsfólks og nýliðaþjálfun

Skipuleggur og styður deildarstjóra við starfsmannasamtöl ásamt því að bregðast við umbótum

Umsjón með fræðslumálum ásamt því að vera tengiliður við menntastofnanir varðandi nema í matartækni, næringar-/matvælafræði og matreiðslunámi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Tungumálahæfni: Íslenska 5/5, enska 3/5

Starfsmerkingar: Heilbrigðisþjónusta, aðstoðardeildarstjóri, stjórnun, veitingaþjónusta

Nánari upplýsingar

Viktor Ellertsson, viktore@landspitali.is, 5431517

Árný Ósk Árnadóttir, arnyo@landspitali.is,

Veitingaþjónusta sameiginlegt

Hringbraut

101 Reykjavík

Auglýsing birt4. desember 2024

Umsóknarfrestur17. desember 2024

Tungumálahæfni

Íslenska

Nauðsyn

Framúrskarandi

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (42)

Hjúkrunarnemar á 1., 2. og 3. ári - Hlutastörf með námi á meltingar- og nýrnadeild