Hrafnista

Hrafnista er stærsta hjúkrunarheimili landsins og alls eru heimilin átta talsins í fimm sveitarfélögum. Þau eru Hrafnista Laugarási, Hraunvangi, Boðaþingi, Ísafold, Skógabæ, Sléttuvegi, Hlévangi og Nesvöllum. Hjá Hrafnistu starfar öflugur hópur einstaklinga með fjölbreytta menntun, starfsreynslu og með fjölbreyttan bakgrunn. Ef þú hefur áhuga á að bætast í Hrafnistuhópinn skaltu endilega senda inn umsókn, Hlökkum til að heyra frá þér.

Vinnustaðurinn

Aðstoðardeildarstjóri sjúkraþjálfunar - Hraunvangur

Sjúkraþjálfunardeild Hrafnistu Hraunvangi óskar eftir að ráða aðstoðardeildarstjóra sjúkraþjálfunar.

Aðstoðardeildarstjóri er staðgengill deildarstjóra í fjarveru hans, aðstoðar að jafnaði með ýmis verkefni tengd rekstri og stjórnun deildarinnar auk hefðbundinna sjúkraþjálfunarstarfa. Um er að ræða fjölbreytt starf í þágu íbúa og annara þjónustuþega sem krefst sjálfstæðra vinnubragða, frumkvæðis og framúrskarandi samskiptahæfni.

Ath.breyting hér (stóð áður 80% starf)

Um 80-100% starf er að ræða.

Helstu verkefni og ábyrgð

Aðstoð við stjórnun og rekstur á starfsemi deildarinnar
Aðstoð við að skipuleggja störf starfsfólks í samræmi við þarfir þjónustuþega
Aðstoð við umsjón á eftirliti og mati á gæðum sjúkraþjálfunar
Skoðun, mat og gerð meðferðaráætlunar fyrir íbúa
Greining og meðferð skjólstæðinga sem sækja dagendurhæfingu
Ráðgjöf og fræðsla til sjúklinga og aðstandenda
Eftirfylgni á einstaklings- og hópþjálfun íbúa
Þverfagleg teymisvinna
Þátttaka í fagþróun

Menntunar- og hæfniskröfur

Íslenskt starfsleyfi sem sjúkraþjálfari
Góð samskiptahæfni og faglegur metnaður
Jákvæðni, sveigjanleiki og frumkvæði
Áhugi á að starfa með öldruðum
Góð yfirsýn og skipulagshæfni
Þekking á RAI mælitækinu er kostur

Fríðindi í starfi

Möguleiki er á aukinni vinnu og leigu á aðstöðu til að starfa sem sjálfstætt starfandi sjúkraþjálfari samhliða.
Fjölskylduvænt og sveigjanlegt starfsumhverfi

Við leggjum okkur fram við að vera leiðandi í öldrunarþjónustu og höfum andlega, líkamlega og félagslega vellíðan íbúa okkar ávallt í brennidepli. Hrafnista vinnur eftir hugmyndafræði Hrafnistu. Hugmyndafræðin snýr að því að Hrafnista sé leiðandi í öldrunarþjónustu á Íslandi og vinnur að því að veita öldruðum áhyggjulaust ævikvöld. Við vinnum stöðugt að því markmiði að veita framúrskarandi þjónustu svo íbúar, aðrir þjónustuþegar og aðstandendur upplifi öryggi, traust og vellíðan - en það teljum við vera hornsteina þess virðis sem við viljum skapa fyrir okkar viðskiptavini. Það þýðir að rík áhersla er lögð á sjálfsákvörðunarrétt og þátttöku íbúa. Meginmarkmið í öllu okkar starfi er að viðhalda frumkvæði íbúa með því að hvetja þá til að vera virkir þátttakendur í eigin lífi í samræmi við eigin heilsu og getu.

Allar nánari upplýsingar um starfið veitir Íris Huld Hákonardóttir deildarstjóri sjúkraþjálfunar (iris.hakonardottir@hrafnista.is).

Auglýsing birt7. október 2024

Umsóknarfrestur20. október 2024

Tungumálahæfni