Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri hjúkrunar í Laufeyjarteymi á göngudeild geð- og fíknisjúkdóma

Meðferðareining geð- og fíknisjúkdóma auglýsir laust til umsóknar starf aðstoðardeildarstjóra í Laufeyjarteymi sem heyrir undir göngudeild geð- og fíknisjúkdóma. Við leitum að öflugum hjúkrunarfræðingi í fjölbreytt, krefjandi og skapandi starf á góðum vinnustað.

Markhópur einingarinnar eru einstaklingar með tvíþættan vanda; alvarlega geðsjúkdóma og alvarlegan vímuefnavanda. Undir meðferðareininguna heyra bráðalegudeild, dagdeild, göngudeild, vettvangsgeðteymi og afeitrunardeild ólögráða ungmenna. Hjá okkur er góður starfsandi, starfsemin er í stöðugri framþróun og unnið er að fjölbreyttum umbótaverkefnum.

Laufeyjarteymi þjónustar einstaklinga sem lifa með langvarandi samslætti geðsjúkdóma og fíknar, á því stigi að hvort um sig er alvarlegt og óstöðugt í eðli sínu og fyrri og vægari meðferðarnálganir hafa ekki skilað árangri eða bættum lífsgæðum. Teymið þjónustar einstaklinga í þeirra nærumhverfi. Unnið er eftir hugmyndafræði skaðaminnkunar, batamiðaðri hugmyndafræði, áhugahvetjandi samtals og geðlæknisfræði. Meginverkefni teymisins eru að efla færni og hæfni til sjálfsumönnunar, auka virkni og tengsl við samfélagið og aðstandendur, efla áhugahvöt skjólstæðinga til breytinga og auka þekkingu skjólstæðinga á sjúkdómnum og bjargráðum.

Aðstoðardeildarstjóri Laufeyjarteymis leiðir daglegt starf teymisins í nánu samstarfi við stjórnendateymi meðferðareiningarinnar og kemur að forystu í hjúkrun þvert á meðferðareininguna.

Starfshlutfall er 100% og unnið er í dagvinnu. Starfið er laust frá 1. apríl 2025 eða eftir samkomulagi. Áhugasamir eru hvattir til að hafa samband við Birnu Óskarsdóttur, hjúkrunardeildarstjóra.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Einlægur áhugi á geðhjúkrun og stuðningi við fólk með geð- og fíknisjúkdóma og fjölskyldur þeirra

Einlægur áhugi á skaðaminnkun

Faglegur metnaður, umbótamiðuð hugsun og ábyrgð í starfi

Reynsla af forystu og/eða stjórnun er kostur

Viðbótarmenntun sem nýtist í starfi er kostur

Jákvætt hugarfar og mjög góð samskiptahæfni

Færni til að vinna sjálfstætt, skipuleggja og forgangsraða verkefnum

Metnaður og áhugi á að starfa í þverfaglegu teymi

Góð tölvukunnátta og færni í skráningu

Góð íslenskukunnátta

Helstu verkefni og ábyrgð

Vinnur í samráði við hjúkrunardeildarstjóra að skipulagningu á starfsemi deildar

Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu

Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun

Virk þátttaka í þverfaglegri þjónustu fyrir þjónustuþega og í þjónustu fyrir aðstandendur

Ber ábyrgð á starfsemi, mönnun og rekstri deildar í samráði við hjúkrunardeildarstjóra

Er ábyrgur fyrir skipulagningu og framkvæmd hjúkrunar í samráði við hjúkrunardeildarstjóra

Vinnur náið með hjúkrunardeildarstjóra að mótun liðsheildar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Í umsóknarform skal skrá inn upplýsingar um fyrri störf, menntun og hæfni, félagsstörf og umsagnaraðila.

Nauðsynleg fylgiskjöl:

Ferilskrá ásamt kynningarbréfi
Vottað afrit af prófskírteinum og starfsleyfi

Fylgiskjöl skulu vera á PDF formi

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, aðstoðardeildarstjóri hjúkrunar, stjórnunarstarf

Tungumálahæfni: íslenska 4/5

Nánari upplýsingar

Birna Óskarsdóttir, [email protected], 825-5042

Júlíana Guðrún Þórðardóttir, [email protected],

Göngudeild geð- og fíknisjúkdóma

Hringbraut

101 Reykjavík

Auglýsing birt10. mars 2025

Umsóknarfrestur21. mars 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)