Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri hjúkrunar á bráðalegudeild geð- og fíknisjúkdóma

Meðferðareining geð- og fíknisjúkdóma auglýsir laust til umsóknar starf aðstoðardeildarstjóra á bráðalegudeild geð- og fíknisjúkdóma. Við leitum að öflugum hjúkrunarfræðingi í fjölbreytt, krefjandi og skapandi starf á góðum vinnustað.

Markhópur einingarinnar eru einstaklingar með tvíþættan vanda; alvarlega geðsjúkdóma og alvarlegan vímuefnavanda. Áherslur í starfi einingarinnar eru meðal annars skaðaminnkun, batamiðuð hugmyndafræði, áhugahvetjandi samtal og geðlæknisfræði. Undir meðferðareininguna heyra bráðalegudeild, dagdeild, göngudeild, vettvangsgeðteymi og afeitrunardeild ólögráða ungmenna.

Bráðalegudeild geð- og fíknisjúkdóma er 16 rúma sólarhringsdeild. Sérhæfing deildar liggur í að sinna fólki með alvarlegan tvíþættan vanda sem þarfnast inniliggjandi meðferðar. Meginviðfangsefni deildarinnar eru fjölbreytt og það er hratt flæði á deildinni. Á deildinni starfar samhentur hópur og það er mikil þverfagleg samvinna. Aðstoðardeildarstjóri á bráðalegudeild er hluti af stjórnendateymi sem ber ábyrgð á sólarhringsþjónustu. Hann leiðir daglegt starf deildarinnar og kemur að forystu í hjúkrun þvert á meðferðareininguna.

Um er að ræða spennandi og gefandi starf þar sem unnið er í þverfaglegum teymum. Hjá okkur er góður starfsandi, starfsemin er í stöðugri framþróun og unnið er að fjölbreyttum umbótaverkefnum.

Starfshlutfall er 100%. Starfið er laust frá 1. apríl 2025 eða eftir samkomulagi. Áhugasamir eru hvattir til að hafa samband við Birnu Óskarsdóttur, hjúkrunardeildarstjóra.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Einlægur áhugi á geðhjúkrun og stuðningi við fólk með geð- og fíknisjúkdóma og fjölskyldur þeirra

Einlægur áhugi á skaðaminnkun

Faglegur metnaður, umbótamiðuð hugsun og ábyrgð í starfi

Reynsla af forystu og/eða stjórnun er kostur

Viðbótarmenntun sem nýtist í starfi er kostur

Jákvætt hugarfar og mjög góð samskiptahæfni skilyrði

Færni til að vinna sjálfstætt, skipuleggja og forgangsraða verkefnum

Metnaður og áhugi á að starfa í þverfaglegu teymi

Góð tölvukunnátta og færni í skráningu

Góð íslenskukunnátta

Helstu verkefni og ábyrgð

Vinnur í samráði við hjúkrunardeildarstjóra að skipulagningu á starfsemi deildar

Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu

Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun

Virk þátttaka í þverfaglegri þjónustu fyrir þjónustuþega og í þjónustu fyrir aðstandendur

Ber ábyrgð á starfsemi, mönnun og rekstri deildar í samráði við hjúkrunardeildarstjóra

Er ábyrgur fyrir skipulagningu og framkvæmd hjúkrunar í samráði við hjúkrunardeildarstjóra

Vinnur náið með hjúkrunardeildarstjóra að mótun liðsheildar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Í umsóknarform skal skrá inn upplýsingar um fyrri störf, menntun og hæfni, félagsstörf og umsagnaraðila.

Nauðsynleg fylgiskjöl:

Ferilskrá ásamt kynningarbréfi
Vottað afrit af prófskírteinum og starfsleyfi

Fylgiskjöl skulu vera á PDF formi

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun, aðstoðardeildarstjóri hjúkrunar, stjórnunarstarf

Tungumálahæfni: íslenska 4/5

Nánari upplýsingar

Birna Óskarsdóttir, [email protected], 825-5042

Júlíana Guðrún Þórðardóttir, [email protected],

Bráðalegudeild geð- og fíknisjúkdóma

Hringbraut

101 Reykjavík

Auglýsing birt11. mars 2025

Umsóknarfrestur21. mars 2025

Tungumálahæfni

Íslenska

Nauðsyn

Mjög góð

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)