Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri á sýklarannsóknahluta sýkla- og veirufræðideildar

Laus er til umsóknar staða aðstoðardeildarstjóra á sýklarannsóknahluta sýkla- og veirufræðideildar. Við leitum eftir metnaðarfullum leiðtoga með áhuga á stjórnun ásamt gæða- og umbótastarfi og sem er tilbúinn að takast á við krefjandi verkefni á deild sem er í stöðugri þróun.

Deildin skiptist í 3 deildarhluta: sýklarannsókn, veirurannsókn og ætagerð. Deildin veitir fjölbreytta og umfangsmikla þjónustu allan sólarhringinn við greiningar sýkinga af völdum baktería, veira, sveppa og sníkjudýra, auk rannsókna, ráðgjafar og kennslu heilbrigðisstétta í sýkla- og veirufræði. Á deildinni starfa um 90 einstaklingar, flestir með sérhæfingu á sviði lífeinda- og náttúrufræði ásamt sérfræðilæknum og sérhæfðu starfsfólki. Boðið er upp á starf á skemmtilegum vinnustað þar sem ör þróun er í rannsóknum og gæðastarfi.

Aðstoðardeildarstjóri heyrir undir deildarstjóra sýkla- og veirufræðideildar. Starfshlutfall er 100% eða skv. samkomulagi. Upphaf starfs er samkomulag en æskilegt að umsækjandi geti hafið störf ekki seinna en í júlí 2025.

Menntunar- og hæfniskröfur

Íslenskt starfsleyfi lífeindafræðings eða sambærileg menntun

Starfsreynsla sem lífeindafræðingur eða sambærileg menntun við sýklarannsóknir

Viðbótarmenntun sem nýtist í starfi kostur

Reynsla af stjórnun er kostur

Faglegur metnaður og sjálfstæði í vinnubrögðum

Framúrskarandi samskiptahæfni

Framsækinn og dugmikill leiðtogi

Yfirsýn og skipulagsfærni

Góð íslenskukunnátta

Helstu verkefni og ábyrgð

Vinnur í samráði við deildarstjóra að skipulagningu á starfsemi sýklarannsóknarhluta deildarinnar

Ber ábyrgð á verkefnum sem deildarstjóri felur honum samkvæmt sérstakri verkefnalýsingu

Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun

Ber ábyrgð á starfsemi, mönnun og rekstri deildar í fjarveru og í samráði við deildarstjóra

Vinnur náið með deildarstjóra að mótun liðsheildar

Almenn störf og vaktir við þjónusturannsóknir á sýklarannsóknahluta deildarinnar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, lífeindafræðingur, aðstoðardeildarstjóri, stjórnunarstarf

Tungumálahæfni: íslenska 5, enska 3

Nánari upplýsingar

Katrín Rún Jóhannsdóttir, [email protected],

Sýkla-og veirufræðideild, Barónsstíg

Hringbraut

101 Reykjavík

Auglýsing birt12. mars 2025

Umsóknarfrestur26. mars 2025

Tungumálahæfni

Engar sérstakar tungumálakröfur

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)