Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri á Brjóstamiðstöð - deild skimunar og greiningar brjóstameina

Laus til umsóknar staða aðstoðardeildarstjóra á Brjóstamiðstöð á Eiríksgötu 5. Við leitum eftir metnaðarfullum geislafræðingi með brennandi áhuga á þjónustu á deild skimunar og greiningar á Brjóstamiðstöð ásamt gæða- og umbótastarfi. Unnið er í dagvinnu og er starfið laust frá 1. janúar 2025 eða eftir samkomulagi.

Á Brjóstamiðstöð starfar kraftmikill hópur sem sinnir skimun, greiningu og meðferð á meinum í brjóstum. Aðstoðardeildarstjóri er virkur þátttakandi í þverfaglegum teymum innan Brjóstamiðstöðvar og sinnir einnig ýmsum verkefnum tengdum stjórnun, rekstri, þjónustu og mannauði.

Við tökum vel á móti nýju samstarfsfólki og veitum góða einstaklingshæfða aðlögun.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Íslenskt starfsleyfi geislafræðings

Framhalds- eða viðbótarmenntun æskileg

Starfsreynsla sem geislafræðingur

Faglegur metnaður

Jákvætt viðmót og góðir samskiptahæfileikar

Sjálfstæði í vinnubrögðum

Stjórnunarþekking, reynsla og leiðtogahæfni

Góð íslenskukunnátta, bæði í mæltu og rituðu máli

Helstu verkefni og ábyrgð

Vinnur í samráði við deildarstjóra að skipulagningu á starfsemi deildar

Ber ábyrgð á verkefnum sem deildarstjóri felur honum samkvæmt sérstakri verkefnalýsingu

Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í skimunar- og greiningarhluta Brjóstamiðstöðvar

Framkvæmd brjóstarannsókna

Ber ábyrgð á starfsemi, mönnun og rekstri deildar í fjarveru og í samráði við deildarstjóra

Er ábyrgur fyrir skipulagningu og framkvæmd þjónustu skimunar- og greiningar Brjóstamiðstöðvar í fjarveru hjúkrunardeildarstjóra

Vinnur náið með deildarstjóra að mótun liðsheildar

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerking: Heilbrigðisþjónusta, geislafræðingur, stjórnunarstarf, aðstoðardeildarstjóri, dagvinna

Tungumálahæfni: íslenska 4/5

Nánari upplýsingar

Kristrún Þórkelsdóttir, kristrth@landspitali.is, 824 5421

Brjóstamiðstöð - Skimun og greining

Eiríksgötu 5

101 Reykjavík

Auglýsing birt27. nóvember 2024

Umsóknarfrestur11. desember 2024

Tungumálahæfni

Íslenska

Nauðsyn

Mjög góð

Staðsetning

Eiríksgata 5, 101 Reykjavík

Starfstegund

Starfsgreinar

Starfsmerkingar

Fleiri störf (40)

Skrifstofustjóri klínískrar rannsókna- og stoðþjónustu