A4 Skeifan – Fullkomin vinna með skóla

A4 óskar eftir að ráða sölufulltrúa í hlutastarf í verslun okkar í Skeifunni. Við leitum eftir ábyrgðarfullum og sjálfstæðum einstaklingi til starfa. Helstu verkefni sölufulltrúa er að veita viðskiptavinum góða þjónustu og ráðgjöf, fylla á vörur, framstillingar í búðinni og afgreiðsla á kassa.

Vinnutíminn er mánudagar 16:00 til 22:00 og laugardagur og sunnudagur frá 10:00 til 16:00, aðra hvora vika. Æskilegt að viðkomandi geti hafið störf sem fyrst eða samkvæmt nánara samkomulagi.

Helstu verkefni:

• Sala, ráðgjöf og framúrskarandi þjónusta við viðskiptavini verslunarinnar
• Áfyllingar, framstillingar, móttaka á vörum og afgreiðsla á kassa
• Önnur almenn verslunarstörf

Hæfniskröfur og reynsla:

• Reynsla af sölu- og verslunarstörfum
• Framúrskarandi þjónustulund og áhugi á sölustörfum
• Sjálfstæði og frumkvæði í starfi
• Snyrtimennska og auga fyrir framstillingu vara
• Sveigjanleiki og geta til að vinna undir álagi
• Góð samskiptahæfni, kurteisi og jákvæðni
• Íslenskukunnátta
• 18 ára aldur

Umsóknarfrestur er til og með 12. nóvember 2024.

Nánari upplýsingar um starfið veitir verslunarstjórinn, Sigurborg Þóra, í síma 580-0090 eða í gegnum netfangið bogga@a4.is.

A4 er framsækið fyrirtæki og leggur metnað sinn í að vera í fararbroddi á sviði húsgagna, skrifstofu-, skóla-, föndur- og hannyrðavara og leggur áherslu á góða og trausta þjónustu við viðskiptavini. Við erum stolt af því að geta boðið upp á heimsþekkt vörumerki sem eiga það öll sameiginlegt að vera í háum gæðaflokki. Hjá fyrirtækinu starfa um 140 manns.