Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Profil pracodawcy

Verkefnisstjóri á Þjónustuborði Háskóla Íslands

Laust er til umsóknar fullt starf verkefnisstjóra á Þjónustuborði HÍ. Starfsfólk á Þjónustuborði veitir yfirgripsmikla þjónustu við deildir háskólans, fjölbreyttan hóp nemenda, starfsfólk og aðra sem til skólans leita. Það er einnig leiðandi í innleiðingu nýs þjónustukerfis háskólans.

Helstu verkefni og ábyrgð

Afgreiðsla og úrlausn á erindum nemenda, starfsfólks og gesta, innlendra sem erlendra. Ýmist á staðnum, í gegnum beiðnakerfi, netspjall, tölvupóst og síma.
Móttaka greiðslna fyrir þjónustu og uppgjör í lok vinnudags.
Upplýsingagjöf og aðstoð er varðar nám og starfsemi háskólans.
Bóka stofur, fundaherbergi og sali fyrir ýmsa viðburði innan skólans.
Umsjón með gestaíbúðum háskólans.
Þátttaka í þróunarverkefnum á sviði þjónustu og önnur tilfallandi verkefni.

Menntunar- og hæfniskröfur

Menntun sem nýtist í starfi, háskólapróf er æskilegt.
Rík þjónustulund, lipurð í mannlegum samskiptum og að geta unnið sjálfstætt.
Góð almenn tölvufærni.
Reynsla af vinnu með spjallmenni og þekking á notkun gervigreindar í starfi er kostur.
Góð íslensku- og enskukunnátta í ræðu og riti.
Þekking í öðrum tungumálum og skilningur á ólíkum menningarheimum er kostur.
Reynsla af sambærilegum störfum er kostur.

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Utworzono ofertę pracy20. October 2025

Termin nadsyłania podań30. October 2025

Znajomość języków