Verkefnastjóri markaðsmála (tímabundið starf)

Húðlæknastöðin leitar að verkefnastjóra markaðsmála í tímabundið starf. Ef þú ert fagmaður í markaðsmálum og ert öflugur í nýtingu samfélagsmiðla til markaðssetningar þá erum við að leita að þér.

Verkefnastjóri markaðsmála hjá Húðlæknastöðinni vinnur að margvíslegum verkefnum. Sem dæmi hefur verkefnastjórinn daglega umsjón með samfélagsmiðlum okkar, yfirumsjón með markaðssetningu og markaðsefni fyrir stafræna miðla. Einnig mun viðkomandi stýra gerð markaðsáætlana og sjá til þess að þeim sé framfylgt. Samræmir allt efni og stýrir verkefnum tengdum innri og ytri markaðsetningu.

Við leitum að öflugum, hugmyndaríkum og ekki síst metnaðarfullum einstakling sem hefur áhuga á að starfa með fjölbreyttum hóp fagmanna Húðlæknastöðvarinnar.