Rauði krossinn á höfuðborgarsvæðinu

Rauði krossinn í Reykjavík var stofnaður 27. apríl, 1950 og er stærsta deild Rauða krossins á Íslandi, með um átta þúsund félaga, eða um 40 prósent af heildinni. Allir félagar sem hafa greitt árgjaldið fyrir lok undangengins árs hafa atkvæðarétt og kjörgengi á aðalfundi, sem er að jafnaði haldinn í mars á hverju ári. Rúmlega 20 starfsmenn og 750 sjálfboðaliðar sinna verkefnum deildarinnar.

Profil pracodawcy

Verkefnafulltrúi í Ylju, neyslurými Rauða krossins

Rauði krossinn á höfuðborgarsvæðinu óskar eftir að ráða öfluga manneskju í 80 -100 % starf verkefnafulltrúa í nýju skaðaminnkunarverkefni, neyslurýminu Ylju. Um er að ræða krefjandi en skemmtilegt starf, tímabundið í 6 mánuði með möguleikum á áframhaldandi ráðningu.

Aðalmarkmið skaðaminnkunarverkefna Rauða krossins er að koma í veg fyrir ótímabær dauðsföll, koma í veg fyrir óafturkræfan skaða og auka lífsgæði og heilsufar fólks.

Helstu verkefni og ábyrgð

Umsjón með daglegu skipulagi og forgangsröðun verkefna.
Skipulag vakta, leyfa og mönnunar ásamt teymisstjóra.
Utanumhald með tölulegum upplýsingum og mælikvörðum er varða verkefnið.
Miðla þekkingu til nýrra starfsmanna og sjá um nýliðaþjálfun ásamt hjúkrunarfræðingi.
Kynningar, fræðsla og áætlunargerð vegna verkefnis.
Önnur tilfallandi verkefni sem og þátttaka og stuðningur við annað starf Rauða krossins og deildarinnar.

Menntunar- og hæfniskröfur

Menntun sem nýtist í starfi s.s. félagsvísindi, félagsráðgjöf eða á sviði geðheilbrigðis.
Reynsla og þekking á skaðaminnkun er kostur.
Góð hæfni til að vinna sjálfstætt og í samvinnu við aðra.
Mjög góð færni í mannlegum samskiptum og menningarlæsi skilyrði.
Jákvæðni, frumkvæðni, samviskusemi og sjálfstæð vinnubrögð.
Framúrskarandi hæfni í skipulagningu og verkefnastjórnun.
Reynsla af starfi með Rauða krossinum er kostur.
Mjög góð íslensku- og enskukunnátta, önnur tungumál kostur.

Fríðindi í starfi

Hreyfimínútur
Samgöngustyrkur
Líkamsræktarstyrkur
Farsímastyrkur

Umsóknarfrestur er til og með 14. október nk. Æskilegt er að viðkomandi geti hafið störf sem fyrst.

Við hvetjum áhugasama af öllum kynjum til að sækja um. Aðeins er tekið á móti umsóknum í gegnum Alfreð. Farið verður yfir umsóknir um leið og þær berast.

Nánari upplýsingar veitir Ósk Sigurðardóttir deildarstjóri - osks@redcross.is

Utworzono ofertę pracy30. September 2024

Termin nadsyłania podań14. October 2024

Znajomość języków