Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Profil pracodawcy

Velferðarsvið: Deildarstjóri í Stoðþjónustu Akureyrarbæjar

Velferðarsvið Akureyrarbæjar óskar eftir að ráða þroskaþjálfa, iðjuþjálfa eða einstakling með aðra menntun (BA, BS, B.Ed) sem nýtist í starfi. Um er að ræða ótímabundna stöðu í 80-100% starfshlutfalli. Upphaf starfs og starfshlutfall er samkomulagsatriði.

Stoðþjónusta veitir stuðning og ráðgjöf til fólks sem vegna fötlunar, félagslegra aðstæðna og veikinda þurfa aðstoð við athafnir daglegs lífs, félagslega aðlögun og aðstoð við heimilishald. Stuðningurinn getur farið fram á heimili eða utan þess, eftir þörfum hvers og eins.

Helstu verkefni og ábyrgð

Hefur umsjón með uppbyggingu og skipulagningu á einstaklingsmiðaðri, heildstæðri og sveigjanlegri þjónustu.
Vinnur með notendum og eftir atvikum aðstandendum að gerð einstaklingsbundinnar stuðningsáætlunar um stuðning og markmið hennar og er leiðandi í framfylgd hennar.
Miðlar upplýsingum og áherslum forstöðumanns þjónustunnar til alls starfsfólks og um breytingar í þjónustu og/eða stefnumótun.
Mat á þörf fyrir stuðning hjá nýjum notendum sem og eldri.
Á samstarf við utanaðkomandi aðila og er tengiliður milli þeirra og starfsmanna.
Er tengiliður við notendur og aðstandendur.
Er í samstarfi við aðra fagaðila sem tengjast stuðning við notendur og sér um að miðla upplýsingum áfram til annarra sem að málum koma.
Heldur utan um og skipuleggur stuðningstíma notenda.
Skráning og utanumhald á upplýsingum í þar til gerð skráningakerfi.

Menntunar- og hæfniskröfur

Starfsleyfi sem þroskaþjálfi, iðjuþjálfi, eða önnur sambærileg háskólamenntun (BA, BS, B.Ed) sem nýtist í starfi.
Þekking og reynsla af því að vinna með fólki með ýmiskonar færniskerðingu.
Þekking á þjónustukerfum velferðar- og heilbrigðismála.
Framúrskarandi færni í samskiptum, skipulagningu og verkefnastjórnun.
Sjálfstæði í störfum og frumkvæði.
Sveigjanleiki og eiga auðvelt með að laga sig að breytingum og breyttum aðstæður með skömmum fyrirvara vegna mismunandi þarfa þeirra einstaklinga sem verið er að þjónusta.
Þekking og reynsla af ráðgjöf og samhæfingu verkefna er æskileg
Framsækin hugsun og hæfni til nýsköpunar.
Hafa bíl til umráða og gild ökuréttindi.
Gott vald á íslensku, bæði í rituðu og töluðu máli.
Góð almenn tölvukunnátta.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.