Urriðaholtsskóli

Urriðaholtsskóli óskar eftir kennurum á öll skólastig

Urriðaholtsskóli er samrekinn leik- og grunnskóli í Garðabæ fyrir börn á aldrinum 1-16 ára. Auglýst er eftir grunnskólakennurum í teymi á öll skólastig, til að taka þátt í að móta og byggja upp skólasamfélag þar sem áhersla er á skapandi starf með einstaklinginn í fyrirrúmi. Verið er að innleiða kennsluaðferðirnar Stýrð kennsla og fimiþjálfun.

Teymisvinna er einkennandi fyrir starfshætti skólans bæði á meðal nemenda og starfsmanna, svo og milli skólastiga. Gildi skólans eru: Virðing, ábyrgð og umhverfi. Starfsumhverfi er gott og lögð áhersla á að vinna eftir gagnreyndum aðferðum. Skólaárið 2025-26 verða rúmlega 600 nemendur við skólann, þar af rúmlega tæplega 500 nemendur í 1.-10. bekk.

Helstu verkefni og ábyrgð

Skipuleggur nám, kennslu og námsmat nemenda samkvæmt markmiðum og námskrá
Að sinna daglegu fagstarfi og kennslu barna á sínu skólastigi
Vinnur að skólaþróun og uppbyggingu skólasamfélagsins ásamt samstarfsfólki
Stuðlar að velferð nemenda og samstarfi við foreldra og annað fagfólk
Tekur þátt í teymisvinnu og tileinkar sér kennsluhætti skólans
Foreldrasamskipti og samvinna heimilis og skóla

Menntunar- og hæfniskröfur

Leyfisbréf til kennslu* (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Sérhæfing eða reynsla af kennslu á sínu skólastigi
Áhugi á skólaþróun og faglegur metnaður
Reynsla af foreldrastarfi
Sjálfstæði, sveigjanleiki, frumkvæði og góð samskiptahæfni
Góð íslenskukunnátta er skilyrði á stigi C-1 samkvæmt evrópska tungumálarammanum
Góð tölvukunnátta
Reynsla af teymisvinnu í grunnskóla æskileg

Hlunnindi

Heilsuræktarstyrkur fyrir starfmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfmenn sem ráðnir eru í starfshlutfall eftir 3 mánuði í starfi
Menningarkort fyrir starfmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfmenn sem ráðnir eru í starfshlutfall eftir 3 mánuði í starfi
Starfsfólk í skólum Garðabæjar hefur möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi skóla bæjarins.

Umsóknarfrestur er til og með 1. júní 2025. Gert er ráð fyrir að ráðning taki gildi frá og með næsta skólaári, þ.e. í ágúst 2025.

Nánari upplýsingar um störfin veitir Þorgerður Anna Arnardóttir skólastjóri Urriðaholtsskóla, s. 5919500, netfang [email protected]

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar, án tillits til kyns, eru hvattir til að sækja um.

Umsóknum skal fylgja ítarleg starfsferilskrá.

Umsækjendur eru beðnir um að sækja um með því að smella á Skrá inn og sækja um starf hér fyrir neðan.

Utworzono ofertę pracy20. May 2025

Termin nadsyłania podań1. June 2025

Znajomość języków