Þroskaþjálfi óskast í Kóraskóla
Kóraskóli leitar eftir faglegum og áhugasömum þroskaþjálfa til að taka þátt í framsæknu skólastarfi með okkur.
Starfið felst í að vinna í teymi þar sem áherslan er lögð á þematengt, verkefnamiðað leiðsagnarnám. Í skólanum er lögð áhersla á skapandi og framsækið skólastarf. Í námi og kennslu er rík áhersla lögð á einstaklingsmiðun náms, fjölbreytta kennsluhætti, teymiskennslu og samþætt þemanám. Allir nemendur skólans eru með spjaldtölvur.
Þroskaþjálfi í grunnskóla ber ábyrgð á þjálfun og umönnun með fötluðum nemendum. Þroskaþjálfi vinnur í nánu samstarfi við umsjónarkennara og fylgir nemendum alla jafnan í almennan bekk. Hann er í samskiptum við aðrar stofnanir s.s. Greiningar- og ráðgjafarstöð, Barna og unglingageðdeild, velferðasvið og fleiri, í samráði við deildarstjóra og skólastjóra.
- Sér um gerð einstaklingsáætlana í samráði við umsjónarkennara, sérkennara, foreldra, nemendur og aðra eftir því sem við á
- Gerir færni- og þroskamat
- Skipuleggur þjálfunaraðstæður, velur/útbýr þjálfunar- og námsgögn og fylgir eftir settum markmiðum. Metur árangur og endurskoðar markmið í samstarfi við samstarfsaðila. Skilar niðurstöðum til næsta yfirmanns og foreldra
- Tekur þátt í kennara- og starfsmannafundum
- Annast ráðgjöf, upplýsingagjöf og upplýsingaöflun vegna sérþarfa nemenda sinna til foreldra og annarra hlutaðeigandi
- Vinnur önnur þau verkefni sem skólastjóri felur honum og eðlilegt getur talist að rúmist innan verksviðs hans
- Starfsleyfi til að starfa sem þroskaþjálfi
- Reynsla af starfi með nemendum með sérþarfir er kostur
- Reynsla af einstaklingsmiðaðri nálgun í kennslu og þekking á fjölbreyttum kennsluháttum er kostur
- Þolinmæði og góð færni í mannlegum samskiptum
- Frumkvæði, skipulagshæfileikar og sjálfstæði í vinnubrögðum
- Góð íslenskukunnátta
Starfsfólk Kópavogsbæjar fær frítt í sund í sundlaugar bæjarins.
islandzki
