Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Profil pracodawcy

Þjónustufulltrúi á fullnustu- og skiptasviði

Þjónustufulltrúi á fullnustu- og skiptasviði sinnir fjölbreyttum verkefnum á málaflokkum sviðsins. Verkefni varða lög sem gilda um málaflokkana, s.s. fjárnám, nauðungarsölur, útburðar- og innsetningargerðir, kyrrsetningar, lögbönn, löggeymslur og skipti á dánarbúum. Þjónustufulltrúi ber ábyrgð á að þjónusta viðskiptavini, taka á móti, afgreiða og skrá beiðnir og gögn og leysa farsællega úr verkefnum. Þjónustufulltrúi skal vinna að faglegri afgreiðslu mála samkvæmt lögbundnum verkferlum.

Helstu verkefni og ábyrgð

Meginverkefni er á sviði fullnustugerða en sinnir verkefnum annarra faghópa eftir þörfum
Upplýsingagjöf, leiðbeiningar og samskipti við viðskiptavini.
Skráning mála, umsýsla, bakvinnsla og eftirfylgni.
Undirbúningur fyrir fyrirtökur, móttaka og skráning afturkallana og frestana.
Úrlausn og eftirfylgni mála í samráði við fulltrúa.
Fylgd með fulltrúa í fullnustugerðum.
Frágangur gagna, skönnun og skjalavarsla.
Sinnir öðrum verkefnum, þvert á embættið, að beiðni yfirmanns.

Menntunar- og hæfniskröfur

Stúdentspróf skilyrði, háskólapróf kostur
Góð samskiptafærni og þjónustulund
Geta til að takast á við áskoranir með jákvæðu viðhorfi
Vilji til að þróa eigin færni í takt við þróun starfsins
Hæfni til að miðla upplýsingum
Skipulagshæfileikar og sjálfstæði í starfi
Nákvæmni og traust vinnubrögð
Álagsþol og þrautseigja
Góð tölvukunnátta
Íslensku- og enskukunnátta í ræðu og riti

Umsókn skal skilað í gegnum umsóknarkerfi Alfred.is og þarf að fylgja CV og kynningarbréf þar sem gerð er grein fyrir ástæðu umsóknar og hæfni umsækjanda í starfið. Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út.

Nánari upplýsingar um starfið veitir Einar Jónsson, sviðsstjóri ([email protected])

Starfshlutfall er 100%. Vinnutími er frá kl. 08:00 – 15:30 alla virka daga nema föstudaga kl. 08:00 – 14:00.

Um launakjör fer eftir kjarasamningi fjármála- og efnahagsráðherra og hlutaðeigandi stéttarfélags.

Umsóknarfrestur er til og með 30.maí 2025

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Utworzono ofertę pracy15. May 2025

Termin nadsyłania podań30. May 2025

Znajomość języków