Wise lausnir ehf.

Wise er alhliða upplýsingatæknifyrirtæki sem sérhæfir sig í þróun, ráðgjöf og innleiðingu á breiðu úrvali viðskipta- og rekstrarlausna sem hjálpa fyrirtækjum að skara fram úr, mæta áskorunum og grípa ný tækifæri. Lausnaframboð okkar samanstendur af hýsingar- og rekstrarþjónustu, öryggislausnum og heildstæðum viðskiptalausnum fyrir fyrirtæki, stofnanir og sveitarfélög. Hjá Wise starfa tæplega 200 sérfræðingar í Reykjavík, á Akureyri og í Litháen. Við erum fjölbreyttur hópur fólks sem eigum það sameiginlegt að brenna fyrir upplýsingatækni, nýsköpun og árangri viðskiptavina. Wise er fjölskylduvænn, lifandi og skemmtilegur vinnustaður. Við leggjum áherslu á hvetjandi starfsumhverfi með markvissri fræðslu og þjálfun, að starfsfólki líði vel í vinnunni og að starfsandi sé eins og best verður á kosið. Jafnframt er boðið upp á samgöngu- og heilsustyrk til starfsmanna. Fyrirtækið býður upp á samkeppnishæf laun og hlaut jafnlaunavottun 2021 og viðurkenningu FKA Jafnvægisvogarinnar 2022.

Profil pracodawcy

Tæknimaður í afgreiðslulausnum

Við hjá Wise leitum að öflugum og þjónustulunduðum tæknimanni í afgreiðslulausnir.

Starfið snýst um uppsetningu, þjónustu og viðhald á afgreiðslulausnum og tengdum búnaði hjá viðskiptavinum Wise. Við bjóðum upp á góða þjálfun og kennslu í þeim lausnum og búnaði sem starfið snýr að og leitum að einstaklingi sem hefur góðan tæknilegan grunn, er lausnamiðuð, hefur áhuga á að læra og þróast í starfi.

Starfið hentar vel einstaklingi sem hefur áhuga á tækni, kann að meta fjölbreytt verkefni og vill vinna í lifandi umhverfi þar sem árangurinn af vinnunni er sýnilegur.

Helstu verkefni og ábyrgð

Uppsetning, þjónusta og viðhald á afgreiðslukössum og tengdum búnaði
Bilanagreining og úrlausn tæknilegra vandamála
Þjónusta og aðstoð við viðskiptavini
Uppsetningar og tæknivinna á starfsstöðvum viðskiptavina
Skráning og eftirfylgni þjónustumála
Samstarf við aðra sérfræðinga innan Wise um úrlausn mála og þróun þjónustunnar

Menntunar- og hæfniskröfur

Menntun frá NTV eða sambærileg tæknimenntun
Góður almennur skilningur á tölvum og upplýsingatækni
Tæknileg færni og geta til að vinna með og setja upp búnað
Góð íslensku- og enskukunnátta
Góð samskiptafærni og þjónustulund

Við leitum að einstaklingi sem

Er forvitin/n og hefur áhuga á að læra nýja hluti. Við leggjum áherslu á að þú hafir áhuga á að skilja hvernig hlutirnir virka, takir frumkvæði og getir unnið þig að lausn þegar eitthvað kemur upp.

Þú þarft að vera úrræðagóð/ur, geta tekið ábyrgð á verkefnum og eiga auðvelt með samskipti við ólíkt fólk. Þar sem stór hluti starfsins felur í sér beina þjónustu við viðskiptavini skiptir okkur miklu máli að þú sért jákvæð/ur, fagleg/ur og leggir þig fram við að finna góða lausn.

Við leggjum mikla áherslu á gott viðhorf, tæknilegan skilning og vilja til að þróa þekkingu sína. Þjálfun í þeim lausnum og búnaði sem við vinnum með er hluti af því að koma þér vel inn í starfið.

Ef þú hefur áhuga á tækni, finnst gaman að leysa vandamál og vilt starf þar sem engir tveir dagar eru alveg eins, þá gæti þetta verið starfið fyrir þig.

Umsóknarfrestur er til og með 23.október 2026. Frekari upplýsingar veitir Franz Viktor Kjartansson, forstöðumaður ([email protected])

Utworzono ofertę pracy22. September 2026

Termin nadsyłania podańŻaden

Znajomość języków