Ölgerðin

Lykillinn að velgengni fyrirtækja er að hluta fólginn í mannauði þeirra. Við drögum að og höldum hæfasta starfsfólkinu með hvetjandi fyrirtækjamenningu án fordóma og með áherslu á jafna möguleika. Hjá fyrirtækinu starfar fjölbreyttur hópur af skapandi og framsæknu fólki. Sjálfbærni er samofin menningu, við eyðum allri sóun og nýtum okkur stafræna tækni til umbóta sem skapar okkur samkeppnisforskot. Við sinnum hverjum viðskiptavini og birgja eins og hann væri okkar eini og setjum aðeins þau vörumerki á markað sem eru, eða hafa möguleika á að vera, fremst í sínum flokki. Við erum keppnis, gerum hlutina fyrr og betur en aðrir og leggjum metnað í að skapa eftirsóttasta vinnustað landsins. Markmið Ölgerðarinnar er að hafa yfir að ráða vel menntuðu, hæfu og áhugasömu starfsfólki sem sameiginlega skapar metnaðarfullt og jákvætt vinnuumhverfi. Starfsfólk Ölgerðarinnar stefnir samstíga í átt að framtíðarsýn fyrirtækisins, að verða fyrsta val viðskiptavina og neytenda. Fjölbreyttur bakgrunnur starfsmanna gerir vinnustaðinn skemmtilegan.

Profil pracodawcy

Sumarstarf í Þjónustudeild Ölgerðarinnar

Ölgerðin leitar eftir öflugri og jákvæðri manneskju í þjónustudeild til að sinna afleysingu í Þjónustudeild á hreinsunum og viðhaldi á bjórdælum Ölgerðarinnar í sumar. Um er að ræða fjölbreytt starf við hreinsun og viðhald á bjórkerfum ásamt léttum minniháttar viðgerðum á börum, skyndibitastöðum og veitingahúsum á landsbyggðinni og í Reykjavík í sumar.

Svæðið starfið nær til:

Höfuðborgarsvæðis
Suðurnesja
Selfoss og Hveragerði
Hellu og Hvolsvöll
Uppsveitir Árnessýslu
Borgarfjarðar
Snæfellsnes
Suðurland að Vík í Mýrdal

Starfsfólk þjónustudeildar er almennt mikið á ferðinni og þarf starfsfólk að hafa bílpróf. Vinnutími er að jafnan frá 8:00-16:00 en getur verið lengri undir ákveðnum kringumstæðum.

Hæfniskröfur

· Rík þjónustulund og sjálfstæði í vinnubrögðum

· Almennt verkvit, og reynsla af minni háttar viðgerðum kostur.

· Útsjónarsemi.

· Stundvísi og góð framkoma

· Góð samskiptahæfni

· Samviskusemi og jákvæðni

· Góð íslensku- og ensku kunnátta

· Geta unnið undir álagi.

· Reglusemi og snyrtimennska

· Bílpróf

· Hreint sakarvottorð