Sjúkraliði í dagþjálfun - Maríuhús

Langar þig að vinna í góðum félagsskap og í gefandi starfsumhverfi?

Maríuhús leitar eftir öflugum og jákvæðum sjúkraliða í framtíðarstarf. Um er að ræða fullt starf á dagvinnutíma. Í Maríuhúsi er sérhæfð dagþjálfun fyrir einstaklinga með heilabilunarsjúkdóma sem staðsett er í húsnæði Skjóls við Kleppsveg 64, Reykjavík.

Markmið deildarinnar er að gera einstaklingum sem hana sækja kleift að viðhalda sjálfsbjargargetu eins og hægt er og að rjúfa félagslega einangrun. Markmiðið er einnig að gera einstaklingnum kleift að búa heima sem lengst og að létta undir með aðstandendum.

Þjónustan er sniðin að þörfum, áhuga og getu hvers einstaklings og er sveigjanleiki lykilhugtak í þjónustunni. Mikið er lagt uppúr góðum anda og afslöppuðu en virku andrúmslofti.