Hofsstaðaskóli Garðabæ

Sérkennari í Hofsstaðaskóla

Hofsstaðaskóli auglýsir eftir sérkennara út skólaárið.
Í skólanum eru 480 nemendur í 1. - 7. bekk og þar starfa um 85 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og er öll aðstaða í skólanum til fyrirmyndar.

Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda Menntastefnu Garðabæjar. Læsi og leiðsagnarnám skipa stóran sess og þjónusta við nemendur með sérþarfir er öflug. Deildarstjóri stoðþjónustu er næsti yfirmaður sérkennara. Nánari upplýsingar um skólann má finna á vefsíðunni www.hofsstadaskoli.is

Helstu verkefni og ábyrgð

Skipuleggur nám og kennslu nemenda með sérþarfir
Sinnir kennslu nemenda
Vinnur að skólaþróun með stjórnendum og samstarfsfólki
Stuðlar að velferð nemenda og samstarfi við foreldra og annað fagfólk
Tekur þátt í teymisvinnu

Menntunar- og hæfniskröfur

Leyfisbréf til kennslu* (leyfisbréf skal fylgja umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Reynsla af kennslu í grunnskóla æskileg
Reynsla af sérkennslu í grunnskóla er kostur
Lipurð og færni í mannlegum samskiptum ásamt metnaði í starfi
Frumkvæði, skipulagshæfni og sjálfstæði í vinnubrögðum
Áhugi á skólaþróun
Íslenskukunnátta á stigi C1 samkvæmt evrópska tungumálarammanum
Góð tölvukunnátta
Lausnamiðað viðhorf til flókinna úrlausnarefna

Umsóknarfrestur er til 15. október 2024. Umsækjandi þarf að geta hafið störf sem fyrst.

Nánari upplýsingar um starfið veita Margrét Einarsdóttir aðstoðarskólastjóri og Bergljót Vilhjálmsdóttir deildarstjóri stoðþjónustu. Sími Hofsstaðaskóla er 590-8100 og netfang: hskoli@hofsstadaskoli.is

Starfsmenn sveitarfélagsins fá hreyfistyrk eftir 6 mánuði í starfi, frítt í sund, á bókasafn Garðabæjar og Hönnunarsafn Íslands eftir 3 mánuði í starfi. Þá hefur starfsfólk í skólum Garðabæjar möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi skóla bæjarins.

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands. Áhugasamir einstaklingar, án tillits til kyns, eru hvattir til að sækja um.

Umsækjendur eru beðnir um að sækja um með því að smella á Sækja um starf og opna vefform.

Umsókn um starfið skal fylgja kynningarbréf og starfsferilskrá. Í kynningarbréfi skal gera grein fyrir ástæðu umsóknar með rökstuðningi fyrir hæfni viðkomandi í starfið og upplýsingar um umsagnaraðila. Öllum umsóknum verður svarað.