Landsnet hf.

Við erum lykilinnviður þjóðarinnar og allt okkar starf snýst um að flytja orku sem drífur áfram lífsgæði og sköpunarkraft samfélagsins til framtíðar.Við erum líka framsækið þekkingarfyrirtæki sem býður kraftmiklu starfsfólki spennandi verkefni við aðstæður þar sem umhyggja, jafnrétti og öryggi eru í fyrirrúmi.

Profil pracodawcy

Sérfræðingur net og fjarskiptalausna

Erum við að leita að þér?

Við leitum að jákvæðum og öflugum einstaklingi sem brennur fyrir fjarskiptalausnum og netöryggi. Viðkomandi gegnir hlutverki í viðbragðsáætlun við netvá og tekur virkan þátt í að tryggja öryggi upplýsingakerfa. Viðkomandi þarf að búa yfir metnaði og drifkrafti til að takast á við spennandi og krefjandi verkefni sem tengjast uppbyggingu grunninnviða í upplýsingatækni.

Hlutverk Landsnets er að annast flutning raforku og stjórnun raforkukerfisins á Íslandi. Stjórnkerfi raforkukerfisins á Íslandi byggir á rekstraröryggi net- og tölvukerfa og því er um krefjandi og ábyrgðarmikið starf að ræða. Upplýsingatækni gegnir lykilhlutverki í framþróun fyrirtækisins og fram undan eru krefjandi og skemmtileg verkefni í samstarfi við innlenda og erlenda birgja.

Helstu verkefni og ábyrgð

Leiða umbótaverkefni og innleiðingu nýrra lausna

Hönnun á högun fjarskipta

Eftirlit með afköstum og rekstraröryggi netkerfa

Framkvæma viðhaldsvinnu á netbúnaði eftir þörfum

Samskipti við innri og ytri samstarfsaðila

Stýra áhættu og tryggja að fjarskiptakerfi styðji við rekstraröryggi

Menntunar- og hæfniskröfur

Nám í tölvunarfræði, kerfisfræði eða menntun sem nýtist í starfi.

Góð þekking á netbúnaði frá helstu framleiðendum

Gráður frá helstu framleiðendum er kostur

Reynsla af rekstri netkerfa

Góð samskiptafærni og geta til að vinna í teymi

Sjálfstæð og öguð vinnubrögð

Þekking á ISO27001 staðlinum

Fríðindi í starfi

Við bjóðum starfsfólki okkar upp á góða vinnustaðamenningu, dásamlegt mötuneyti, líkamsræktaraðstöðu, sveigjanlegt vinnuumhverfi, velferðar- og starfsmenntunarstyrki, öflugt starfsmannafélag auk frábæra vinnufélaga.

Umsóknarfrestur er til og með 22. júní 2025.

Við hvetjum öll áhugasöm til að sækja um óháð uppruna, aldri eða kyni. Umsókn þarf að fylgja ítarleg starfsferilskrá og kynningarbréf þar sem þú segir okkur af hverju þig langar til að bætast í hópinn.

Þótt aðalstarfsstöð sé Gylfaflöt 9 í Reykjavík, er mögulegt að sinna starfinu, eftir samkomulagi, frá starfsstöðvum Landsnets á Egilsstöðum eða Akureyri.

Nánari upplýsingar veitir Thelma Sif Sigurjónsdóttir, Leiðtogi upplýsingatækni og þjónustu, [email protected]. Öllum umsóknum verður svarað og farið með þær sem trúnaðarmál.

Landsnet er þjónustufyrirtæki í eigu þjóðarinnar og kjarninn í framtíðarsýn okkar er rafvædd framtíð í takt við samfélagið. Við höfum veigamiklu hlutverki að gegna að viðhalda og reka eina af helstu grunnstoðum nútímasamfélags sem felst í flutningskerfi raforku.

Utworzono ofertę pracy6. June 2025

Termin nadsyłania podań22. June 2025

Znajomość języków