Landskerfi bókasafna hf.

Landskerfi bókasafna er hlutafélag í eigu ríkis og sveitarfélaga. Tilgangur þess er að reka upplýsinga- og skráningarkerfi fyrir bókasöfn og eftir atvikum önnur söfn á Íslandi og veita þeim tengda sérfræðiþjónustu. Landskerfið rekur bókasafnakerfið Gegni, leitargáttina leitir.is og Rafbókasafnið og þjónustar um 300 bókasöfn. Starfsmenn félagsins eru átta talsins. Nánari upplýsingar má finna á www.landskerfi.is.

Profil pracodawcy

Sérfræðingur í þjónustu við bókasöfn

Landskerfi bókasafna leitar að metnaðarfullum og tæknilega sterkum einstaklingi til að sinna fjölbreyttum verkefnum í notanda- og kerfisþjónustu við bókasöfn.

Viðkomandi þarf að geta unnið bæði sjálfstætt og í þverfaglegu teymi sem sinnir þjónustu- og þróunarverkefnum fyrir bókasöfn.

Starfið krefst þekkingar á starfsumhverfi bókasafna og áhuga á að vinna að framförum í umhverfi þeirra. Það mun að einhverju leyti taka mið af þekkingu, reynslu og áhugasviði þess einstaklings sem verður ráðinn.

Helstu verkefni og ábyrgð

Daglegur rekstur bókasafnakerfa og innleiðing nýjunga.
Notandaþjónusta og ráðgjöf til bókasafna.
Verkefni tengt vefþjónustum og gögnum.
Gerð nútímalegs kynninga- og leiðbeiningaefnis
Önnur tilfallandi verkefni.

Menntunar- og hæfniskröfur

Háskólamenntun sem nýtist í starfi, bókasafns- og upplýsingafræði, tölvunarfræði eða sambærileg menntun.
Þekking á bókasafnakerfinu Gegni (Alma).
Reynsla af gagnavinnslu og þekking á gagnagrunnum er æskileg.
Mjög góð tölvufærni.
Hæfni til að greina og leysa flókin úrlausnarefni á skilvirkan hátt.
Frumkvæði og sjálfstæði í starfi og ögun í vinnubrögðum.
Góð samskiptahæfni, þjónustulund og geta til að vinna í þverfaglegu teymi.
Gott vald á íslensku og/eða ensku í rituðu og mæltu máli.

Mikill kostur er ef umsækjandi hefur þekkingu eða reynslu af:

Skráningarmálum bókasafna.
Rafrænum áskriftum og utanumhaldi þeirra í háskólaumhverfinu.
Gagnasniðum og gagnavísindum.
Vefþjónustum.
Myndbandagerð fyrir samfélagsmiðla.
Verkefnastjórn.

Landskerfið rekur Gegni sem er bókasafnskerfi rekið á landsvísu, leitargáttina Leitir, raf- og hljóðbókaveituna Rafbókasafnið og menningarsögulega gagnasafnið Sarp, sem er í eigu Rekstrarfélags Sarps. Gegnir og Leitir byggja á skýjalausnunum Alma og Primo frá Ex Libris, Part of Clarivate.

Landskerfið þjónustar um 300 bókasöfn. Starfsmenn félagsins eru níu talsins. Nánari upplýsingar má finna á https://landskerfi.is/

Við hvetjum áhugasama til að sækja um, óháð kyni og uppruna.

Umsjón með starfinu hafa Auður Bjarnadóttir ([email protected]) og Garðar Óli Ágústsson ([email protected]).

Utworzono ofertę pracy26. September 2025

Termin nadsyłania podań12. October 2025

Znajomość języków