Vistor

Sérfræðingur í lyfjaskráningum

Vistor leitar að metnaðarfullum og tæknivæddum liðsfélaga í samhent og öflugt fagteymi innan deildar skráninga og klínískra rannsókna. Viðkomandi mun gegna lykilhlutverki í umsýslu markaðsleyfa lyfja og þarf að búa yfir skarpri innsýn í tækifæri til að sjálfvirknivæða og tæknivæða ferla innan deildarinnar.

Helstu verkefni og ábyrgð

Ábyrgð á skráningarvinnu fyrir markaðsleyfishafa sem Vistor er umboðsaðili fyrir
Þátttaka í þróun og umbótum skráningarferla með áherslu á sjálfvirknivæðingu og tækninýtingu
Samskipti við lyfjafyrirtæki, heilbrigðisyfirvöld og dreifingaraðila
Aðkoma að innleiðingu nýrra kerfa og lausna í skráningarvinnu eftir þörfum

Menntunar- og hæfniskröfur

Háskólamenntun sem nýtist í starfi, t.d. í lyfjafræði, líf- eða heilbrigðisvísindum
Glöggt auga fyrir möguleikum til að einfalda og tæknivæða verklag
Fagmennska, nákvæmni og hæfni til að starfa í þverfaglegu teymi
Sjálfstæð og lausnamiðuð vinnubrögð
Þekking eða reynsla af rafrænum skráningarkerfum (t.d. eCTD, RIMS) er kostur
Mjög góð kunnátta í íslensku og ensku; kunnátta í Norðurlandamáli er kostur
Góð almenn tölvukunnátta og áhugi á nýrri tækni
Reynsla af skráningu lyfja eða lækningavara er æskileg

Umsóknarfrestur er til og með 18. maí

Umsókn skal fylgja ítarleg ferilskrá ásamt kynningarbréfi þar sem fram koma ástæður þess að sótt er um starfið.

Nánari upplýsingar veita Unnur Björgvinsdóttir, deildarstjóri, [email protected] og Arnar Þórðarson, framkvæmdastjóri, [email protected].

Vistor er leiðandi fyrirtæki á sviði markaðssetningar á lyfjum, heilsuvörum og dýraheilbrigðisvörum á Íslandi. Fyrirtækið er samstarfsaðili fjölmargra alþjóðlegra lyfjafyrirtækja og veitir þeim þjónustu við skráningar, sölu- og markaðsmál, klínískar rannsóknir, auk þess að hafa milligöngu um innflutnings- og dreifingarstarfsemi.

Utworzono ofertę pracy9. May 2025

Termin nadsyłania podań18. May 2025

Znajomość języków