Eimskip

Eimskip er alþjóðlegt flutningafyrirtæki sem sinnir gáma- og frystiflutningum í Norður-Atlantshafi og sérhæfir sig í flutningsmiðlun með áherslu á flutninga á frosinni og kældri vöru. Með siglingakerfi sínu tengir Eimskip saman Evrópu og Norður-Ameríku í gegnum Ísland. Félagið starfrækir 56 skrifstofur í 20 löndum og hefur á að skipa fjölbreyttum hópi starfsfólks en í heildina starfa um 1.700 manns af 43 þjóðernum hjá félaginu.

Profil pracodawcy

Sérfræðingur á fjármálasviði hjá Eimskip

Við leitum að sérfræðingi á fjármálasviði með viðeigandi háskólamenntun. Sviðið þjónustar starfsstöðvar Eimskips um allan heim, í 20 löndum.

Við vinnum náið með öllum deildum Eimskips, bæði innanlands og erlendis, og krefst starfið því færni í mannlegum samskiptum sem og að koma efni frá sér á skýran og áhugaverðan hátt.

Við leggjum mikla áherslu á stafræna þróun, aukna sjálfvirkni og gagnadrifna ákvarðanatöku og leitum við að aðila með ríkulega greiningahæfni, reynslu í gagnagreiningum og framsetningu upplýsinga. Starfið er fjölbreytt, á spennandi vinnustað í alþjóðlegu umhverfi.

Helstu verkefni og ábyrgð

Þáttaka í mánaðarlegum og ársfjórðungslegum uppgjörum fyrir félög innan samstæðu Eimskips sem felur í sér greiningar og framsetningu gagna.
Þátttaka í undirbúningi áætlanagerðar og framsetning til stjórnenda félagsins.
Þátttaka í umbótarverkefnum til dæmis þróun og innleiðingu á sjálfvirkum lausnum fyrir gagnatengingar og skýrslugerð.
Þátttaka í virðismötum og öðrum arðsemisútreikningum.
Veita stjórnendum og öðrum deildum stuðning með greiningum og tölulegum upplýsingum.
Önnur tilfallandi verkefni

Nánari upplýsingar um starfið veitir Elva Dröfn Sigurðardóttir, forstöðumaður, [email protected]. Umsóknarfrestur er til og með 6. júlí 2025.

Eingöngu er tekið á móti umsóknum í gegnum vefsvæði Eimskips. Öllum umsóknum verður svarað og farið með þær sem trúnaðarmál.

Eimskip leggur áherslu á jafnrétti, heilsu og vellíðan starfsfólks þar sem markvisst er unnið í samræmi við jafnréttisáætlun að jafnri stöðu starfsfólks óháð kyni og leitast eftir því að hafa vinnuumhverfið sem öruggast og heilsusamlegast. Í anda jafnréttisstefnu Eimskips eru öll kyn hvött til að sækja um.

Utworzono ofertę pracy20. June 2025

Termin nadsyłania podań6. July 2025

Znajomość języków