Óska eftir hressu kvenkyns aðstoðarfólki

Ég er 37 ára stelpa sem bý í 104 Reykjavík með kærasta minum 8 mánaða dóttir okkar og 15 ára stjúpsyni mínum. Einnig er einn köttur á heimilinu.

Ég er hjólastóla notandi en ég fæddist með cp hreyfihömlun.

Ég elska að ferðast, er mikið fyrir að vera úti að gera og græja. Elska að fara à tónleika og íþróttaleiki. Er mikill félagsvera og stemmingskona sem elska góðan mat.

Starfið felur í sér aðstoð við daglegt líf m.a. við heimilisstörf.
Starfið felur einnig í sér að vera framlenging á mér í hverju sem ég vil taka mér fyrir hendur frá degi til dags í lífi, leik og starfi.

Ég óska eftir kvenkyns aðstoðarfólki 25 ára og eldra í NPA teymið mitt sem finnst gaman að vera á ferðinni og gera allskonar.

Æskilegt er að umsækjandi hafi reynslu af því að umgangast börn og viti að hlutverk aðstoðarfólks felst einnig í því að sinna þeim þörfum barna sem foreldrar sinna frá degi til dags, t.d. að sækja í / skutla í leikskóla, fara með þeim út að leika o.s.frv.

Ekki er gerð krafa um starfsreynslu eða sérstaka menntun, en lögð er áhersla á að umsækjendur temji sér stundvísi, jákvæðni, heiðarleika og virðingu í samskiptum.

Reykleysi á vinnutíma, íslensku kunnátta, bílpróf og hreint sakavottorð eru skilyrði.

Ég er að leita að aðstoðarfólki í fullt starf eða hlutastarf og hefst starfið núna í byrjun maí.

Starfið byggir á hugmyndafræðinni um sjálfstætt líf og eru laun samkvæmt sérkjarasamningum NPA miðstöðvarinnar við Eflingu og Starfsgreinasambandið. Hægt er að lesa um hugmyndafræðina hér: https://npa.is/