Leggðu línuna til Rarik - verkstjóri á Hvolsvelli

Framkvæmdaflokkar okkar vinna fjölbreytt og mikilvæg verkefni við uppbyggingu og viðhald á stærsta dreifikerfi landsins og eru andlit okkar útávið. Hlutverk verkstjóra er að skipuleggja verkefni, halda daglega fundi og vinna með verktökum. Þeir sjá um rekstur sinna framkvæmdaflokka sem þýðir að þeir halda utan um innkaup á verkfærum, viðhald bifreiða og tækja, ráðningar á nýju fólki, starfsmannasamtöl og skil á tímaskráningum. Samskipti og samvinna við aðra verkstjóra, stjórnendur, deildir og starfsfólk Rarik eru ávallt hluti af verkefninu, sem og samskipti við viðskiptavini og þátttaka í stefnumótunarvinnu fyrirtækisins.

Við leitum að krafmiklum og lausnamiðuðum rafvirkja með leiðtogahæfileika, góða færni í mannlegum samskiptum og getu til að styðja aðra. Nauðsynlegt er að hafa hæfileika og metnað fyrir að setja upp og viðhalda góðu skipulagi verkefna og búa yfir góðri tölvukunnáttu. Góður verkstjóri þarf að geta fengið fólk með sér í lið, haldið uppi góðum og jákvæðum starfsanda og aga og vera tilbúinn í árangursríka teymisvinnu. Mikilvægt er að umsækjendur geti fylgt þeim reglum og kröfum sem snúa að starfinu og hafi góða öryggisvitund og hugrekki til að taka öryggissamtalið í öllum aðstæðum. Góð aðlögunarhæfni, vilji til að læra og geta til að horfa á og hugsa um hlutina uppá nýtt í hraðri tækniþróun orkugeirans eru eiginleikar sem við leitum eftir. Við kunnum einnig að meta hjálpsemi, náungakærleik og virðingu fyrir fólki og náttúrunni.