Land og skógur

Land og skógur er þekkingarstofnun sem hefur það meginmarkmið að bæta gróður- og jarðvegsauðlindir þjóðarinnar, nýta land af sjálfbærni, vakta og hafa yfirsýn, draga úr losun og stuðla að bindingu kolefnis og virkja og fræða almenning og hagsmunaaðila um gróður- og jarðvegsvernd, sjálfbæra nýtingu lands, uppbyggingu og endurheimt vistkerfa, skóga og skógrækt.

Profil pracodawcy

Launa- og bókhaldsfulltrúi

Land og skógur leitar að metnaðarfullum, drífandi og útsjónarsömum einstaklingi í starf launa- og bókhaldsfulltrúa sem kemur að verkefnum sem snúa að launavinnslu, bókhaldi og sinnir einnig öðrum verkefnum á Fjármálasviði. Um er að ræða spennandi starf í lifandi starfsumhverfi. Land og skógur er með starfsstöðvar um allt land og æskilegasta starfsstöð fyrir launa- og bókhaldsfulltrúa er á Egilsstöðum en er þó ekki skilyrði.

Fjármálasvið sinnir m.a. launavinnslu, bókhaldi, eignaumsjón, styður við stjórnendur og starfsfólk og vinnur markvisst að því að skapa jákvætt starfsumhverfi. Umsækjendur þurfa að hafa gaman af því að vinna í teymi.

Land og skógur er þekkingarstofnun sem hefur það meginmarkmið að bæta gróður- og jarðvegsauðlindir þjóðarinnar og stuðla að sjálfbærri landnýtingu, með áherslu á náttúrumiðaðar lausnir. Stofnunin skal vakta auðlindirnar, stuðla að aukinni þekkingu auk þess að virkja og fræða almenning og hagsmunaaðila.

Helstu verkefni og ábyrgð

Almenn launavinnsla í mannauðskerfi Orra og Vinnustund.
Upplýsingagjöf varðandi launavinnslu og kjaratengd mál.
Bókun reikninga í fjárhagsbókhald Orra og eftirfylgni með samþykkt reikninga.
Samantekt fjárhagsupplýsinga og skýrslugerð.
Samskipti við starfsfólk stofnunarinnar og viðskiptavini.
Önnur tilfallandi verkefni á fjármálasviði.

Menntunar- og hæfniskröfur

Viðurkenndur bókari eða sambærileg menntun er skilyrði.
Þekking á launakerfi Orra og Vinnustund er skilyrði.
Þekking og reynsla af launavinnslu, kjaramálum og bókhaldi.
Þekking á túlkun kjara- og stofnanasamninga er kostur.
Góð kunnátta og færni í Excel.
Góð íslenskufærni, nákvæm og öguð vinnubrögð.
Rík þjónustulund, jákvæðni og samskiptahæfni.
Frumkvæði og sjálfstæði.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um er að ræða 100% stöðu sem hentar öllum kynjum. Æskilegt er að umsækjandi geti hafið störf sem fyrst.

Land og skógur er þekkingarstofnun á sviði gróður- og jarðvegsauðlinda og gegnir mikilvægu rannsókna-, eftirlits- og fræðsluhlutverki við að vernda, endurheimta og bæta þessar auðlindir Íslands með uppgræðslu lands, ræktun nýrra skóga og með því að stuðla að sjálfbærri landnýtingu.

Markmið Lands og skógar er að vera eftirsóttur vinnustaður fyrir starfsfólk með fjölbreytta menntun og bakgrunn. Þar er starfsfólki búin góð vinnuaðstaða, greiður aðgangur að upplýsingum og fjölbreyttir möguleikar á símenntun. Land og skógur hefur innleitt græn skref í ríkisrekstri. Þá hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Með umsókn skal fylgja afrit af prófskírteinum og náms- og starfsferilsskrá ásamt kynningarbréfi á íslensku. Öllum umsóknum verður svarað þegar tekin hefur verið ákvörðun um ráðningu.

Auglýsingin getur gilt í sex mánuði frá birtingu.

Utworzono ofertę pracy22. October 2025

Termin nadsyłania podań3. November 2025

Znajomość języków