Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Profil pracodawcy

Lagerstarf í virkjunum ON

Við leitum að drífandi og lausnamiðuðum aðila til að sinna fjölbreyttum lagerstörfum á virkjanasvæðum Orku náttúrunnar.

Orka náttúrunnar er leiðandi afl í umhverfisvænum orkuskiptum á Íslandi. Í virkjunum okkar á Hellisheiði, Nesjavöllum og við Andakílsá framleiðum við rafmagn til allra landsmanna og heitt vatn fyrir höfuðborgarsvæðið.

Í starfinu felst lykilhlutverk við að tryggja gott flæði verkefna, allt frá undirbúningi til verkloka.

Helstu verkefni og ábyrgð

Yfirsýn yfir lagerstöðu og þjónusta við notendur lagersins
Að tryggja hæfilegt magn og aðgengi að rekstrarvörum og varahlutum virkjanareksturs
Utanumhald pantana, móttaka og afgreiðsla á lager
Umsjón með að skráningar í lagerkerfi séu uppfærðar og áreiðanlegar
Þátttaka í umbótarverkefnum sem snúa að bættu öryggi, hagsýni og framsýni í rekstri

Menntunar- og hæfniskröfur

Reynsla af lagerstörfum er ótvíræður kostur og lyftararéttindi sömuleiðis.

Við teljum góða tölvufærni mikilvæga til þess að ná árangri í starfinu og þekking á Dynamics 365 Finance & Operations er mikill kostur.

Starfið krefst skipulagshæfni, frumkvæði og samskiptafærni í bland við ríka þjónustulund og umbótahugsun.

Ef þú tengir við þessa eiginleika og býrð að reynslu sem getur nýst í starfinu þá hvetjum við þig til að sækja um starfið.

Umsókn um starfið skal fylgja ferilskrá.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 2. nóvember 2025.

Nánari upplýsingar veitir Kristín Birna Fossdal, deildarstjóri viðhalds og verkstæðis, [email protected].

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Utworzono ofertę pracy16. October 2025

Termin nadsyłania podań2. November 2025

Znajomość języków