Kennari og ráðgjafi í hagnýtingu gervigreindar

Um Javelin AI:

Javelin AI aðstoðar einstaklinga sem og fyrirtæki við að nýta gervigreind. Við sérhæfum okkur í notkun mállíkana (LLM) á borð við ChatGPT, Gemini og Claude. Starfsemin okkar snýr að því að hanna og halda námskeið og vinnustofur, greina og endurbæta verkferla og þróa og styðja við teymi í að tileinka sér ný vinnubrögð á öruggan og skilvirkan hátt.

Um starfið:

Við leitum að einstaklingi sem er ekki aðeins fróður um gervigreind heldur hefur djúpan og smitandi áhuga á efninu og færni í að miðla þeirri þekkingu á mannamáli.

Sem ráðgjafi og leiðbeinandi munt þú þróa fræðsluefni, halda vinnustofur fyrir viðskiptavini víðs vegar um landið, veita ráðgjöf um innleiðingu gervigreindarlausna og taka virkan þátt í markaðs- og kynningarstarfi.

Helstu verkefni og ábyrgð

• Kennsla og gerð kennsluefnis: Hönnun og flutningur á námskeiðum, vinnustofum og fræðsluefni um hagnýtingu gervigreindar.
• Ráðgjöf: Greining á þörfum og tækifærum hjá viðskiptavinum og ráðgjöf um val og innleiðingu á gervigreindarlausnum.
• Samskipti við viðskiptavini: Umsjón með samskiptum við viðskiptavini
• Markaðssetning: Ábyrgð á að búa til og birta efni, svo sem texta og myndefni, á vef og samfélagsmiðlum fyrirtækisins.

Menntunar- og hæfniskröfur:

• Býrð yfir djúpri þekkingu og brennandi áhuga á gervigreind, þar með talið hagnýtri reynslu af nýjustu mállíkönum á borð við ChatGPT, Gemini og Claude.
• Reynsla af kennslu, þjálfun eða fræðslu fyrir fullorðna (t.d. með vinnustofum, námskeiðum, innanhússfræðslu eða kennslu á háskóla- eða framhaldsskólastigi).
• Reynsla af ráðgjöf, breytingastjórnun, greiningu verkferla eða af skyldum sviðum er kostur.
• Drifin/n/ð áfram af árangri, sýnir frumkvæði og vinnur vel sjálfstætt.

Við bjóðum:

• Einstakt tækifæri til að starfa á framlínu gervigreindarbyltingarinnar á Íslandi.
• Lykilhlutverk í uppbyggingu og vexti spennandi fyrirtækis.
• Sveigjanlegan og nútímalegan vinnustað þar sem nýjar hugmyndir eru vel þegnar.
• Tækifæri til að hafa raunveruleg áhrif á rekstur íslenskra fyrirtækja.
• Samkeppnishæf laun

Aðrar upplýsingar:

Umsóknarfrestur er til og með 3. september 2025. Nánari upplýsingar veitir Kristján Gíslason, í gegnum netfangið [email protected]. Við hvetjum öll sem eru áhugasöm til að sækja um.