Iðan fræðslusetur

Iðan er fræðslusetur í iðnaði og sinnir símenntun starfsmanna í bílgreinum, bygginga- og mannvirkjagreinum, málm- og véltæknigreinum, prent- og miðlunargreinum og matvæla- og veitingagreinum. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum.

Profil pracodawcy

Iðan leitar að markaðsfulltrúa

Iðan er leiðandi fræðslusetur fyrir iðngreinar á Íslandi og þjónar fjölbreyttum hópi einstaklinga og fyrirtækja um land allt. Hjá Iðunni mætast fagleg þekking, tækni og skýr sýn á framtíð iðngreina. Við leitum að markaðsfulltrúa sem hefur áhuga á að miðla hlutverki Iðunnar með faglegum og skapandi hætti.

Okkur vantar hugmyndaríkan og drífandi einstakling sem hefur brennandi áhuga á efnisgerð, starfrænni miðlun og vera í samskiptum við fjölbreytta markhópa á áhrifaríkan hátt. Markaðsfulltrúi starfar náið með markaðsstjóra og kemur að daglegri framkvæmd markaðsstarfs Iðunnar.

Helstu verkefni og ábyrgð

Hönnun og framleiðsla auglýsinga- og kynningarefnis
Umsjón með samfélagsmiðlum, markpóstum og tölvupóstherferðum
Greining á árangri og markhópum til að styðja við markvissara markaðsstarf
Ljósmyndun, myndbandsgerð og textagerð
Þátttaka í upptökum og framleiðslu efnis í stúdíói Iðunnar
Skipulag og samhæfing efnisdagatals og birtinga
Þátttaka í þróun og umbótum á vefnum
Ábyrgð á framsetningu og samþættingu markaðsefnis á vef

Menntunar- og hæfniskröfur

Menntun sem nýtist í starfi, s.s. grafísk hönnun eða markaðsfræði
Reynsla af stafrænum miðlum, efnisgerð og framleiðslu fyrir samfélagsmiðla
Mjög góð færni í Canva og grunnfærni í Adobe kerfum
Góð tæknilæsi og vilji til að læra á ný kerfi og búnað
Góð skipulagshæfni, sjálfstæð vinnubrögð og hæfni í teymisvinnu
Grunnþekking á vefgreiningu og leitarvélabestun
Framúrskarandi hæfni í textagerð og samskiptum
Jákvætt viðhorf, skapandi hugsun og hugmyndaauðgi
Góð íslensku- og enskukunnátta

Iðan er leiðandi fræðslusetur í iðnaði og þjónustar bílgreinar, bygginga- og mannvirkjagreinar, málm- og véltæknigreinar, matvæla- og veitingagreinar og prent- og miðlunargreinar. Námsframboðið er fjölbreytt og í stöðugri þróun en markmið Iðunnar er að stuðla að framúrskarandi færni, framþróun og nýsköpun meðal starfsfólks í iðngreinum.

Iðan fræðslusetur er góður vinnustaður þar sem starfar metnaðarfullt starfsfólk. Verkefnin eru fjölbreytt, við leggjum áherslu á gott samstarf og tækifæri til vaxtar.

Nánari uppl‎‎ýsingar

Þórdís Sif Arnarsdóttir – [email protected]

Utworzono ofertę pracy29. January 2026

Termin nadsyłania podań12. February 2026

Znajomość języków