Háskólakennari í byggingafræði

Háskólinn í Reykjavík leitar að byggingafræðingi til starfa við kennslu, umsjón og framþróun náms í byggingafræði. Starfið er full akademísk staða við tæknifræðideild Háskólans í Reykjavík.

Byggingafræði er 3 ½ árs B.Sc. nám sem á sér sterkar fyrirmyndir á Norðurlöndum og ásókn í námið hefur aukist mikið undanfarin ár. Í dag stunda um 130 nemendur nám í byggingafræði og tæknifræðideild brautskráir 25-30 byggingafræðinga árlega. Háskólinn í Reykjavík er eini háskólinn á Íslandi sem býður upp á nám í byggingafræði.

STARFSSVIÐ:

• Kennsla í völdum námskeiðum í byggingafræði.
• Umsjón með kennslu og lokaverkefnum nemenda í samráði við námsbrautarstjóra.
• Aðkoma að skipulagi námsins og þátttaka í þróun þess.
• Samskipti við nemendur á öllum námsárum.
• Umsjón hagnýtra verkefna, starfsnáms og tengsl við atvinnulíf.
• Þátttaka í þróun og starfi tæknifræðideildar.
• Þátttaka í innra starfi Háskólans í Reykjavík.

HÆFNI:

Umsækjandi skal:

• Hafa viðurkennda menntun í byggingafræði BSc og sterka fræðilega hæfni.
• Hafa reynslu af kennslu og/eða víðtæka reynslu af starfi byggingafræðinga úr atvinnulífi.
• Hafa starfað við hönnun og framkvæmdir, t.d. á arkitektastofu.
• Hafa lokið löggildingu sem mannvirkjahönnuður.
• Þekkja vel til helstu hönnunartækja eins og Revit, Autocad og ACC.
• Vera skipulagður, nákvæmur og samviskusamur.
• Vera jákvæður og hafa mikla félagslega færni.
• Eiga auðvelt með að tjá sig í máli og riti, bæði á íslensku og ensku.
• Búa yfir frumkvæði og eiga auðvelt með að vinna sjálfstætt.
• Brenna fyrir að vinna með nemendum að raunverulegum viðfangsefnum og hagnýtum verkefnum.

Við leitum að byggingafræðingi sem hefur áhuga á framþróun náms í byggingafræði, jafnframt því að auka enn frekar gæði námsins og starfa með nemendum í skapandi og faglegu umhverfi.

Meistaragráða eða viðbótarnám í byggingariðnfræði, tæknifræði, arkitektúr eða verkfræði er kostur, sem og reynsla af háskólakennslu, rannsóknum eða samstarfi við erlenda háskóla. Umsækjendur með doktorspróf sem hafa áhuga á rannsóknum samhliða kennslu og uppfylla hæfniviðmið geta sótt um stöðu lektors.

Viðkomandi mun vinna náið með umsjónarmanni byggingafræðináms, verkefnastjóra á skrifstofu og öðru starfsfólki tæknifræðideildar. Jafnframt tekur viðkomandi virkan þátt í innra starfi deildarinnar og fær tækifæri til að móta og þróa námið í samstarfi við nemendur, kennara og atvinnulíf.

Umsóknarfrestur er til og með 18. október 2026. Umsóknum skal skilað á vef Háskólans í Reykjavík og farið verður með allar fyrirspurnir sem trúnaðarmál.

Fyrir frekari upplýsingar er áhugasömum boðið að hafa samband við Ásgeir Ásgeirsson, forseta tæknifræðideildar ([email protected]), eða Elísabetu Þóru Jóhannesdóttur ([email protected]), mannauðssérfræðing á mannauðssviði Háskólans í Reykjavík (HR).