Fjölbreytt sumarstörf á hafnarsvæði

Við óskum eftir að ráða öflugt sumarstarfsfólk á hafnarsvæði okkar við Kjalarvog.

Á hafnarsvæði eru mjög fjölbreytt verkefni, þau helstu eru losun og lestun skipa, afgreiðsla gámabíla inn og út af svæði, vinna við hitastýrða gáma og fleira. Helstu verkefnin í frystigeymslu eru móttaka og afhending á frosnum afurðum. Á bílavelli eru helstu verkefnin móttaka á nýjum og notuðum bílum, sem og önnur afgreiðsla á stærri vörum.

Helstu verkefni

• Losun og lestun skipa
• Móttaka og afgreiðsla pantana í frystigeymslu
• Losun bíla úr gámum, sjónskoðun og umsýsla bíla
• Afgreiðsla gámabíla
• Ýmis önnur verkefni

Hæfnikröfur og reynsla
Sumarstarfsfólk Samskipa þurfa að uppfylla neðangreindar hæfnikröfur:

• Aldur 18+
• Rík þjónustulund og sterk öryggisvitund
• Stundvísi, reglusemi og snyrtimennska
• Góð samskiptahæfni og eiga gott með að vinna í hóp
• Bílpróf er ekki skilyrði fyrir öllum störfum á hafnarsvæði, en mikill kostur
• Vinnuvélaréttindi J eða K er kostur
• Námskeið fyrir umsækjendur sem eru ekki með J eða K réttindi gæti verið möguleiki

Við hvetjum einstaklinga af öllum kynjum til þess að sækja um. Mikilvægt er að sumarstarfsfólk geti unnið samfellt í 10 vikur á tímabilinu maí - ágúst.

Umsækjendur skulu hafa náð 18 ára aldri og hafa hreint sakavottorð.

Umsóknarfrestur er til og með 3. maí n.k.