Deildarstjóri uppgjöra og reikningsskila

Fjarskipta- og fjölmiðlafyrirtækið Sýn leitar að metnaðarfullum og drífandi einstaklingi til að leiða öflugan hóp starfsmanna uppgjöra og reikningsskila. Starfið hentar einstaklingum með mikla reynslu af reikningshaldi og fjármálaferlum fyrirtækja. Einstaklingurinn verður mikilvægur þátttakandi í spennandi breytingavegferð sem fyrirtækið er á. Starfið heyrir beint undir fjármálastjóra. Umbóta- og ferlahugsun er mikilvæg ásamt jákvæðu hugarfari.

Helstu verkefni og ábyrgð

• Yfirumsjón með bókhaldi félagsins
• Mánaðar- og ársfjórðungsuppgjör félagsins
• Umsjón og þátttaka í umbótaverkefnum t.d. sjálfvirknivæðingu fjárhagsferla
• Samskipti við endurskoðendur félagsins
• Upplýsingagjöf og stuðningur við stjórnendur
• Dagleg stýring deildar

Menntunar- og hæfnikröfur

• Háskólamenntun sem nýtist í starfi er skilyrði
• Mikil reynsla og góð þekking á reikningsskilum og uppgjörsvinnu er skilyrði
• Góð þekking á fjárhagskerfum skilyrði t.d. Navision
• Löggilding í endurskoðun er kostur
• Reynsla af stjórnun og mannaforráðum kostur
• Hæfni og áhugi til að taka þátt í og stýra breytingum

Sýn er leiðandi fyrirtæki á sviði fjarskipta og fjölmiðlunar á Íslandi. Hjá fyrirtækinu starfar fjölbreyttur hópur fólks í krefjandi og spennandi verkefnum. Ef þú ert drífandi, hefur metnað til að ná árangri í starfi og vilt taka þátt í spennandi breytingavegferð á líflegum vinnustað þá hvetjum við þig til að sækja um.

Við hvetjum áhugasama af öllum kynjum til að sækja um í gegnum ráðningavefinn okkar, radningar.syn.is. Umsóknarfrestur er til og með 28.september nk.

Nánari upplýsingar veitir Eðvald Ingi Gíslason, Fjármálastjóri, [email protected].