Deildarstjóri leiksviðsdeildar
Borgarleikhúsið leitar að leiksviðsstjóra sem býr yfir víðtækri reynslu af stjórnun og skipulagi á viðburðum tengdum menningar- og skemmtanaiðnaði. Um er að ræða stjórnendastöðu á lifandi vinnustað, með fjölbreyttum verkefnum og viðburðum. Við leitum að stjórnanda sem hefur ríka skipulags- og samskiptagáfu, sem er til í að stýra flóknum og krefjandi verkefnum þvert á deildir leikhússins.
Leikssviðsstjóri ber ábyrgð á og hefur yfirumsjón með öllum leiksviðum Borgarleikhússins. Starfið felur í sér stjórnun og mannaforráð, undirbúning fyrir framleiðslu leiksýninga, ásamt yfirumsjón með útfærslum og lausnum á tæknilegum viðfangsefnum í samstarfi við leikmyndahönnuði, leikstjóra og aðra listræna stjórnendur. Leikssviðsstjóri sinnir jafnframt verkstjórn og skipuleggur allt starf við leikmyndir og skiptingar á leiksviðum Borgarleikhúss. Viðkomandi ber ábyrgð á sýningarkeyrslu sviðsdeildar á sýningartíma, fylgir eftir frágangi og umsjón sviðsmynda auk þrifa og viðhalds leiksviða og leiktæknibúnaðs.
Deildarstjóri leiksviðsdeildar skipuleggur vinnutilhögun og vinnur að framkvæmd æfinga- og sviðsvinnu leiksýninga, auk þess sem viðkomandi vinnur við útleigur og aðra viðburði í leikhúsinu.
• Yfirumsjón og skipulag leiksviða Borgarleikhúss, þ.m.t. gerð og eftirfylgni tímaáætlana. Leiksviðsstjóri veitir öllum leiksviðum leikhússins forstöðu og tryggir að starfsemi leiksviðanna sé fyrsta flokks.
• Að vinnubrögð leiksviðsdeildar séu öguð, nákvæm og metnaðarfull og að öll starfsemi leiksviðsdeildar sé til fyrirmyndar m.t.t. gæða, viðmóts og skipulags.
• Undirbúningur og uppsetning sviðsmynda fyrir æfingar og sýningar, skiptingar og viðhald sviðsmynda á æfinga- og sýningatíma, auk frágangs á sviðsmyndum að æfingum og sýningum loknum.
• Að öll vinna sem sem snýr að leiksviðum leikhússins og tæknilegum útfærslum sé klár fyrir hverja sýningu og í samræmi við óskir listrænna stjórnenda.
• Að öryggismálum á leiksviðum leikhússins sé sinnt af kostgæfni. Leiksviðsstjóri ber ábyrgð á gæðum og öryggi tæknilegra atriða, ásamt því að bera ábyrgð á úrlausnum tæknilegra vandamála er upp geta komið.
• Yfirumsjón með viðhaldi og þrifum sviðsbúnaðar og leiksviða.
• Að starfsemi leiksviðsdeildar standist fjárhags- og framleiðsluáætlanir.
• Að rekstur leiksviðsdeildar sé til fyrirmyndar hvað varðar aðstöðu, umgengni og skipulag.
• Að viðhalda jákvæðum starfsanda og samskiptum við starfsfólk annarra deilda og listræna stjórnendur sýninga.
• Menntun sem nýtist í starfi, eins og til dæmis verkefnastjórnun, almenn stjórnun og/eða tæknimenntun eða iðnmenntun.
• Reynsla af sambærilegu starfi er kostur
• Þekking á viðburðahaldi er kostur
islandzki
Angielski
