Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Profil pracodawcy

Deildarstjóri í Leikskólann Lundarsel-Pálmholt

Leikskólinn Lundarsel-Pálmholt á Akureyri óskar eftir að ráða deildarstjóra í 100% ótímabundna stöðu. Æskilegt er að viðkomandi hefji störf í janúar 2027 en byrjunardagur getur verið eftir samkomulagi.

Lundarsel-Pálmholt er sjö deilda leikskóli á tveimur starfsstöðvum, Lundarsel við Hlíðarlund og Pálmholt neðra við Þingvallarstræti. Aldur barna er frá 12 mánaða til sex ára.

Auglýst er eftir deildarstjóra á deild með elstu börnunum í Lundarseli.

Í Lundarseli-Pálmholti leggjum við áherslu á lærdómsríkt umhverfi sem hvetur til sköpunar, umræðna og rannsókna. Við vinnum út frá áhuga barnanna og undrun þeirra á tilverunni. Við lítum á leikinn sem hornstein leikskólastarfsins og leggjum því mikla áherslu á að leikgleði barnanna fái notið sín í daglegu lífi leikskólans. Til að skapa gott andrúmsloft, tryggja öryggi og velferð allra í leikskólanum er unnið með SMT skólafærni.

Einkunnaorð skólans eru: Glaðir spekingar sem leika og læra saman.

Viltu vita meira? Kíktu í rafræna heimsókn https://lundarsel.karellen.is/

Deildarstjóri er stjórnandi á sinni deild og hluti af tíu manna stjórnendateymi leikskólans.

Vilt þú vera með okkur í liði og leggja þitt af mörkum?

Helstu verkefni og ábyrgð

Stjórnun, skipulagning og fagleg ábyrgð á starfi deildarinnar.
Dagleg verkstjórn og upplýsingamiðlun.
Forysta og samstarf innan starfsmannahópsins.
Skipulag og stjórnun deildarfunda.
Ábyrgð á að unnið sé samkvæmt skólanámskrá og starfsáætlun.
Samstarf og samskipti við foreldra.
Þátttaka í stjórnendateymi, þróunarstarfi og mati á starfi leikskólans.
Að tryggja að þörfum hvers barns sé mætt.

Menntunar- og hæfniskröfur

Háskólapróf í leikskólakennarafræðum eða önnur háskólamenntun (B.Ed., BS, BA) sem nýtist í starfi.
Reynsla af starfi í leikskóla.
Jákvæðni, sjálfstæði, ábyrgð og sveigjanleiki.
Góð samskiptafærni, frumkvæði og hæfni til að vinna í teymi.
Góð íslenskufærni í ræðu og riti.
Góð tölvufærni.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Deildarstjóri starfar samkvæmt lögum og reglugerð um leikskóla, öðrum lögum er við eiga, aðalnámskrá leikskóla, kjarasamningum og mannauðs- og skólastefnu Akureyrarbæjar. Næsti yfirmaður deildarstjóra er leikskólastjóri.

Umsókn skal vera á íslensku og henni þarf að fylgja greinargott yfirlit yfir fyrri störf.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og kennarasambands Íslands vegna Félags leikskólakennara.

Upplýsingar um kaup og kjör veitir launadeild Akureyrarbæjar í netfanginu [email protected]

Nánari upplýsingar um starfið veitir, Helga María Þórarinsdóttir leikskólastjóri í gegnum netfangið [email protected]. Einnig er hægt að hafa samband símleiðis í síma 462-5883.

Einungis er tekið á móti rafrænum umsóknum.

Aðgengi að tölvu og aðstoð við umsóknir stendur til boða í þjónustuveri Akureyrarbæjar, Geislagötu 9.

Umsóknarfrestur er til og með 18. október 2026.

Utworzono ofertę pracy1. October 2026

Termin nadsyłania podań18. October 2026

Znajomość języków