Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Profil pracodawcy

Bókari hjá Akraneskaupstað

Við leitum að bókara sem hefur metnað til að ná árangri, vinnur sjálfstætt og býr yfir góðri samskiptahæfni. Ef þú hefur gaman af því að vinna með fólki og vilt taka þátt í að skapa jákvæð áhrif í öflugu teymi, þá er þetta starf fyrir þig.

Um fullt starf er að ræða en starfið heyrir undir fjármála- og innkaupadeild. Deildin hefur í höndum fjárstýringu, reikningshald, yfirumsjón með fjárhagsáætlun, lánastýringu, umsjón með gjaldskrám, innkaupamál og fleira.

Fjárhagskerfi Akraneskaupstaðar er Microsoft Dynamics 365 Business Central.

Helstu verkefni og ábyrgð

Dagleg umsjón með vinnslu á bókhaldi Akraneskaupstaðar og stofnana þess
Dagleg umsjón með vinnslu bókhalds fyrir Höfða, hjúkrunar- og dvalarheimili
Dagleg umsjón með innlestri rafrænna reikninga
Afstemmingar á bankareikningum og efnahagsreikningum
Tekur þátt í uppgjörsvinnslu og ársreikningagerð
Upplýsingagjöf til lánardrottna, stjórnenda, forstöðumanna stofnana og annarra starfsmanna
Virk þátttaka og samstarf innan fjármála- og þjónustusviðs og annarra sviða

Menntunar- og hæfniskröfur