Bókari

Seaborn óskar eftir að ráða nákvæman og reyndan bókara í 100% stöðu til að slást í hópinn þeirra á Íslandi. Viðkomandi mun bera ábyrgð á bókhaldi, greiðslum og launum tengdum starfsemi fyrirtækisins á Íslandi.

Helstu verkefni og ábyrgð:

• Fjárhags-, lánadrottna- og viðskiptamannabókhald
• Afstemmingar og skil á bókhaldi fyrir mánaðarleg uppgjör
• Uppgjör og skil á virðisaukaskatti
• Greiðslur og samþykkt reikninga
• Þátttaka í umbótaverkefnum
• Önnur tilfallandi verkefni á fjármálasviði
  
  

Menntunar- og hæfniskröfur

• Menntun á sviði viðskiptagreina
• Reynsla af bókhaldsstörfum og launavinnslu
• Reynsla og þekking á Navision/BC (Microsoft Dynamics)
• Góð íslensku- og enskukunnátta í ræðu og riti
• Góð hæfni í mannlegum samskiptum
• Góður skilningur á tækniumhverfi
• Þekking á Maritech P&S er kostur

Seaborn AS er einn stærsti útflytjandi á laxi og silungi frá Noregi og Íslandi og afhendir lax og silung til 60 landa vikulega allt árið um kring. Hjá fyrirtækinu starfa um 75 starfsmenn, staðsettir í Noregi, Svíþjóð, Bandaríkjunum og Íslandi. Skrifstofa Seaborn er staðsett í Kópavogi.

Umsóknarfrestur er til og með 28. maí 2025 en unnið er úr umsóknum um leið og þær berast. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir aðilar, óháð kyni, eru hvattir til að sækja um starfið. Farið verður með allar umsóknir og fyrirspurnir sem trúnaðarmál og þeim svarað að ráðningu lokinni.

Nánari upplýsingar veita Lea Kristín Guðmundsdóttir ([email protected]) og Þuríður Pétursdóttir ([email protected]) í síma 511-1225.