Viltu styðja við sölustarfið okkar?
Við leitum að öflugum einstaklingi í fjölbreytt og skemmtilegt starf í söludeild okkar þar sem samhentur hópur starfsmanna vinnur. Um 70% starfshlutfall er að ræða og vinnutíminn er yfirleitt kl 9 til 14.
Star-Oddi er framsækið fyrirtæki á sviði mælitækni fyrir dýra- og umhverfisrannsóknir í hafi og á landi. Flestir viðskiptavinir fyrirtækisins eru erlendir og meðal notenda eru heimsþekktar rannsókna- og vísindastofnanir.
Hlutverk okkar er að bjóða tækni sem gerir vísindaheiminum kleift að rannsaka umhverfisáhrif á dýr og vistkerfi sjávar, allt frá hafsbotni til hæstu fjallatoppa.
Gildin okkar eru áreiðanleiki, metnaður og heiðarleiki og leitumst við við að fylgja þeim í hvívetna í störfum okkar.
Starfið felst í stuðningi við starf sölufólks Star-Odda sem eru sérfræðingar á mörkuðum okkar. Í því felst afgreiðsla móttekinna pantana í pantanakerfi okkar, gerð reikninga, gera pantanir klárar fyrir hraðsendingar FedEx og DHL, vinna í viðskiptavinatengslakerfi okkar (CRM) og samskipti við viðskiptavini. Möguleikar á þróun í starfi.
- Góð tölvukunnátta og reynsla af notkun tölvukerfa og tölvuforrita ýmiss konar er skilyrði
- Reynsla af bókhaldskerfum er kostur
- Góð íslensku- og enskukunnátta er skilyrði
- Menntun sem nýtist í starfi er kostur
- Góðir samskiptahæfileikar í ræðu og riti
- Sjálfstæði í vinnubrögðum
islandzki
Angielski
