Háskólinn á Bifröst

Háskólinn á Bifröst hefur í meira en hálfa öld menntað fólk til áhrifa og ábyrgðar í íslensku samfélagi. Háskólinn leggur áherslu á samþættingu fræða og framkvæmdar og hefur verið leiðandi hér á landi í uppbyggingu og þróun stafrænnnar menntunar á háskólastigi.

Profil pracodawcy

Akademísk staða við félagsvísindadeild

Háskólinn á Bifröst leitar að akademískum starfsmönnum innan félagsvísindadeildar. Um er að ræða 1-2 stöður og til greina kemur að ráða í hlutastöðu sem og fulla stöðu. Við leitum að einstaklingi með metnað og áhuga á að taka virkan þátt í þróun kennslu og rannsókna við deildina.

Stöðurnar sem um er að ræða eru á sviði öryggisfræða, almannavarna og áfallastjórnunar, og einnig á sviði menningar- og skapandi greina eða almennra félagsvísinda.

Háskólinn á Bifröst leggur áherslu á samþættingu fræða og framkvæmdar í kennslu og er leiðandi í þróun stafræns fjarnáms á háskólastigi hér á landi. Háskólinn á Bifröst er með starfsstöðvar í Reykjavík og á Hvanneyri.

Helstu verkefni og ábyrgð

Kennsla á sviðum öryggisfræða, almannavarna og áfallastjórnunar, og einnig á sviði menningar- og skapandi greina eða almennra félagsvísinda.
Rannsóknir og fræðastörf
Mótun og þátttaka í rannsóknarverkefnum og umsóknir í rannsóknarsjóði, jafnt innlenda sem erlenda
Þátttaka í samfélagslegri umræðu á fræðasviðinu
Þátttaka í stefnumótun og stjórnun

Menntunar- og hæfniskröfur

Viðeigandi framhaldsmenntun á háskólastigi, doktorspróf er æskilegt
Reynsla af fjarkennslu á háskólastigi er kostur
Reynsla af rannsóknum
Reynsla af uppbyggingu og mótun námskeiða er kostur
Reynsla af stjórnun á háskólastigi er kostur
Tengsl við eða reynsla af atvinnulífi og hinu opinbera er kostur
Skipulagsfærni, þjónustulund og faglegur metnaður
Mjög góð færni í íslensku og ensku, í ræðu og riti

Með umsókn fylgi ferilskrá yfir nám, störf og rannsóknir þar sem kennslureynsla er m.a. útlistuð, afrit af útskriftarskírteinum ásamt stuttu kynningarbréfi. Í kynningarbréfi komi fram áhugasvið, sýn, nálgun og áherslur umsækjanda í kennslu og rannsóknum.

Tekið verður tillit til þarfa og áherslna félagsvísindadeildar og hve vel umsækjendur falla að þeim. Starfsheiti verður ákvarðað út frá hæfismati.

Umsóknarfrestur er til og með 25. maí 2026 og umsóknir skulu berast í gegnum Alfred.is.

Nánari upplýsingar veitir dr. Bergsveinn Þórsson, staðgengill deildaforseta, [email protected].

Miðað er við ráðningu frá og með 01. ágúst 2026 eða samkvæmt nánara samkomulagi. Við hvetjum alla óháð kyni, til þess að sækja um. Farið verður með allar fyrirspurnir og umsóknir sem trúnaðarmál.

Utworzono ofertę pracy30. April 2026

Termin nadsyłania podań25. May 2026

Znajomość języków