Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Profil pracodawcy

Ábyrgðaraðili verkskipulags

Orka náttúrunnar leitar að öflugum og reynslumiklum sérfræðingi í starf ábyrgðaraðila verkskipulags.

Viðkomandi mun gegna lykilhlutverki við að tryggja skilvirkt verkflæði, rekstraröryggi og hámarka nýtingu mannafla og fjármuna.

Hlutverkið felur í sér eignarhald á viðhaldsstjórnunarferli ON og viðhaldsstjórnunarkerfi (DMM) ásamt ábyrgð á rekstri kerfisins og þróun þess.

Í hlutverki ábyrgðaraðila verkskipulags færðu umboð og traust til þess að móta ferla og verklag sem tryggja að viðhaldsverkefni, verkbeiðnir og önnur verk séu:

rétt skilgreind og undirbúin
rétt forgangsröðuð í samvinnu við eigendur búnaðar og stjórnendur
tímasett og úthlutuð með markvissum hætti
faglega afgreidd í markvissri samvinnu þvert á rekstur virkjana

Ef þú býrð yfir leiðtogafærni og ástríðu fyrir skilvirku verkflæði þá hvetjum við þig til þess að sækja um starfið.

Helstu verkefni og ábyrgð

Skipuleggja og samræma viðhaldsverkefni, verkbeiðnir og úthlutun verkefna
Sjá um rekstur, þróun og daglega notkun DMM-kerfisins, þ.á.m. uppfærslur, stillingar og notendaþjálfun
Tryggja gæði, áreiðanleika og samræmi gagna í kerfinu
Fylgjast með framvindu verka, skila stöðuskýrslum, greina frávik og koma með tillögur að úrbótum
Vinna náið með stjórnendum, verkstæði og ábyrgðaraðilum búnaðar að forgangsröðun og samræmingu verka
Þróa ferla og vinna markvisst að umbótum til að auka skilvirkni og draga úr kostnaði

Menntunar- og hæfniskröfur

Reynsla af verkskipulagi og viðhaldsstýringu rekstrar- og viðhaldsverkefna í sambærilegu starfsumhverfi
Marktæk reynsla af notkun viðhaldskerfa og færni í gagna- og ferlavinnu
Sterk kerfishugsun, yfirsýn og geta til að sameina fólk, gögn og ferla í eina heild
Framúrskarandi samskiptafærni og hæfni til að miðla upplýsingum í ræðu og riti
Áreiðanleiki, frumkvæði og geta til að vinna sjálfstætt jafnt sem í samstarfi
Umbótasinnað viðhorf og lausnamiðuð hugsun
Árangursdrifni og leiðtogahæfileikar sem smita því hugarfari til samstarfsfólks
Menntun sem nýtist í starfi er kostur, s.s. á sviði verkfræði/tækni eða sambærilegu

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 15. febrúar 2026.

Nánari upplýsingar veitir Kristín Birna Fossdal, deildarstjóri verkstæða, [email protected].

Farið er með allar umsóknir sem trúnaðarmál og verður listi yfir umsækjendur ekki birtur.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Utworzono ofertę pracy30. January 2026

Termin nadsyłania podań15. February 2026

Znajomość języków