Menntastoðir hjá Mími - fjarnám
Um Menntastoðir
Menntastoðir er vinsæl námsbraut sem hefur veitt fjölda fólks ný tækifæri í námi og er góður undirbúningur fyrir áframhaldandi nám. Eftir útskrift úr Menntastoðum er hægt að sækja um í undirbúningsdeildum háskólanna; Bifröst, HR og Keili eða starfs-, iðn- og tækninám.
Menntastoðir eru kenndar samkvæmt námskrá Fræðslumiðstöðvar atvinnulífsins og eru 60 einingar á 2.þrepi íslenska hæfnirammans um menntun. Hægt er að meta námið til framhaldsskólaeininga.
Boðið er upp á að taka Menntastoðir í stað- eða fjarnámi.
Fjarnám
Nemendur ljúka námi á tveimur önnum. Námið er fimm lotur og eru kenndar tvær námsgreinar samhliða í hverri lotu. Að auki eru tvær námsgreinar sem hvor um sig eru kenndar á einni önn. Námstækni er kennd á fyrri önn og Yndislestur á þeirri seinni.
Lokapróf (í stærðfræði, íslensku og ensku) eru tekin í Mími eða á öðrum stað sem samið er um við verkefnastjóra.
Námsgreinar
Menntastoðir eru kenndar samkvæmt námskrá Fræðslumiðstöðvar atvinnulífsins og eru 60 einingar á 2.þrepi íslenska hæfnirammans.
Smellið á námsgreinar til að fá nánari upplýsingar.
- Íslenska (2 áfangar)
- Stærðfræði (3 áfangar)
- Enska (2 áfangar)
- Danska (1 áfangi)
- Námstækni
- Tölvu –og upplýsingatækni
- Lokaverkefni
- Yndislestur (enska, íslenska)
Styrkur
Átt þú rétt á styrk frá þínu stéttarfélagi eða Vinnumálastofnun til að sækja námskeið eða nám? Hafðu samband við þitt stéttarfélag eða þinn ráðgjafa og kannaðu málið.