Frágangur prentverka í InDesign

Á þessu námskeiði er farið yfir mikilvæg atriði sem þarf að hafa í huga við frágang og skil á prentverkum til prentunar í InDesign. Farið verður í frágang algengra prentverka, svo sem bókar, tímarits og dagblaðs. Þátttakendur leysa algeng vandamál og verkefni sem reyna á mikilvæga kunnáttu.
Námskeiðið hentar vel þeim sem hafa lokið námi í grafískri miðlun, grafískri hönnun, ljósmyndun, prentun eða bókbandi en þurfa að æfa betur viss atriði í frágangi.
Þátttakendur fá aðgang að vefnámskeiði sem er undanfari þessa námskeiðs. Þar er farið yfir nýjustu útgáfu InDesign og verkefni námskeiðsins kynnt.

Kennari á námskeiðinu er Helga Dögg Ólafsdóttir grafískur hönnuður.