![Leikskólar Kópavogsbæjar](https://alfredprod.imgix.net/logo/eed62f6b-c8bb-4141-86fe-e95e5e6b10ea.png?w=256&q=75&auto=format)
Leikskólar Kópavogsbæjar
Velkomin til starfa
![Leikskólar Kópavogsbæjar](https://alfredprod.imgix.net/cover/d840d861-45d9-4cc4-82e2-29d8e52d8ba9.png?w=1200&q=75&auto=format)
About the company
Kópavogsbær rekur 21 leikskóla í bæjarfélaginu. Heildarfjöldi starfsfólks leikskóla bæjarins er rúmlega 700.
Starf í leikskóla er fjölbreytt og skemmtilegt og enginn dagur er eins. Í leikskólum Kópavogs er lögð áhersla á einstaklingsmiðaða nálgun og að mæta þörfum hvers barns. Vel er tekið á móti nýju starfsfólki leikskóla og því veitt markviss starfsþjálfun til að skapa vellíðan og virðingu fyrir starfinu.
Í leikskólum Kópavogs er um 33% starfsfólks leikskólakennaramenntað. Fleiri munu bætast í hópinn á næstunni þar sem fjöldi starfsfólks stundar nám í leikskólakennarafræðum með styrk frá bænum. Starfsfólk er hvatt til að sækja um námsstyrki en í boði er styrkur til náms í leikskólakennarafræðum í allt að 7 ár, auk styrks til að stunda leikskólaliðanám í framhaldsskólum.
Starfsfólk leikskóla getur sótt um forgang í leikskóla fyrir börnin sín auk þess að fá 40% afslátt af leikskólagjöldum. Starfsfólk leikskóla fær fríar máltíðir og borðar með börnunum. Allt fastráðið starfsfólk Kópavogsbæjar á rétt á líkamsræktarstyrk.
Leikskólar Kópavogs loka flestir milli jóla og nýárs, í dymbilviku og vetrarleyfum og þá býðst starfsfólki að taka út hluta af uppsafnaðri vinnutímastyttingu. Ávallt eru þó opnir tveir leikskólar eða fleiri í samræmi við fjölda barna sem kjósa að vera í leikskóladvöl þessa daga.
Leikskólar Kópavogs vinna markvisst að innleiðingu Barnasáttmálans í öllu sínu starfi. Fimm leikskólar í Kópavogi voru fyrstu leikskólar í heiminum til að innleiða réttindaleikskóla Unicef og fleiri leikskólar í bænum vinna nú að verkefninu.
Kópavogsbær er einnig annað tveggja sveitarfélaga á landinu sem er viðurkennt barnvænt sveitarfélag Unicef. Allir leikskólar í Kópavogi hafa innleitt vináttuverkefni Barnaheilla.
![](https://storage.googleapis.com/alfredstatic/companyprofiles/awards/heimsmarkmid.png?w=96&q=75&auto=format)
Heimsmarkmiðin
Fyrirtækið er þátttakandi í 17 heimsmarkmiðum Sameinuðu þjóðanna gegn hlýnun Jarðar.
![](https://storage.googleapis.com/alfredstatic/companyprofiles/awards/jafnlaunamerkid.jpg?w=96&q=75&auto=format)
Jafnlaunavottun
Meginmarkmið jafnlaunavottunar er að vinna gegn kynbundnum launamun og stuðla að jafnrétti kynjanna á vinnumarkaði.
![](https://storage.googleapis.com/alfredstatic/companyprofiles/awards/unicef-barnv%C3%A6nt-sveitarfelag-2.png?w=96&q=75&auto=format)
Barnvænt sveitarfélag
Barnvæn sveitarfélög er verkefni sem styður sveitarfélög við að innleiða Barnasáttmála Sameinuðu þjóðanna í alla sína stjórnsýslu og starfsemi. Verkefnið byggir á alþjóðlegu verkefni UNICEF, Child Friendly Cities Initiative (CFCI), sem hefur verið innleitt í þúsundum sveitarfélaga út um allan heim frá árinu 1996.
![](https://storage.googleapis.com/alfredstatic/companyprofiles/awards/heilsueflandi-samfe%CC%81lag.jpg?w=96&q=75&auto=format)
Heilsueflandi samfélag
Heilsueflandi samfélag er heildræn nálgun sem embætti landlæknis vinnur að í samstarfi og samráði við sveitarfélög, opinberar stofnanir, frjáls félagasamtök o.fl.
![](https://storage.googleapis.com/alfredstatic/companyprofiles/awards/iso9001.png?w=96&q=75&auto=format)
ISO 9001 - Gæðastjórnunarstaðall
ISO9001 er alþjóðlega viðurkenndur gæðastjórnunarstaðall.
Digranesvegur 1, 200 Kópavogur
![](https://alfredprod.imgix.net/profile/b2980663-1df2-46be-aa21-f597c5becd26.png?w=828&q=75&auto=format)
Activity
Heilsuræktarstyrkur í boði
Food / meal at work
Gott og fjölbreytt mötuneyti
Flexible working hours
Styttri vinnuvika