Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

About

Vörustjóri rekstrarlausna

Rekstrarlausnir Advania leita að drífandi aðila til þess að styrkja vörustýringarteymi sitt. Um er að ræða lykilhlutverk í mótun og þróun lausna sem falla undir hýsingu og rekstur tölvukerfa, netöryggi og fjölbreytta UT þjónustuveitingu (MSP).

Markmið vörustýringar er að byggja upp skýrt og samkeppnishæft þjónustuframboð sem skapar raunverulegt virði fyrir viðskiptavini og styður við sjálfbæran rekstur. Þetta er einstakt tækifæri fyrir aðila sem vill hafa áhrif á þróun upplýsingatækniþjónustu á Íslandi.

Hlutverk þitt:

Bera ábyrgð á hluta lausnaframboðs rekstrarlausna Advania.
Móta og framfylgja vörustefnu sem tekur mið af þörfum viðskiptavina og markaðstækifærum.
Vinna þvert á sölu, þjónustu, tækni og markað til að tryggja skýrt virði og samræmt lausnaframboð.
Vera talsmaður viðskiptavina og markaðar í áframhaldandi þróun lausna.
Skilgreina og þróa þjónustulýsingar, verðlagningu og framsetningu MSP lausna.
Kynna vöruframboð með skýrum og aðgengilegum hætti fyrir viðskiptavini og samstarfsfólk.

Menntunar- og hæfniskröfur

Háskólamenntun sem nýtist í starfi, t.d. tölvunarfræði, verkfræði eða sambærilegar greinar.
Góð þekking af þjónustuveitingu og framboði í UT umhverfi, sérstaklega rekstrar- eða þjónustulausnum (MSP).
Reynsla af vörustýringu, þjónustuhönnun eða þróun lausna er mikill kostur.
Sterk viðskiptahugsun og hæfni til að tengja saman þarfir markaðar og tæknilegar lausnir.
Framúrskarandi samskipta- og framsetningarhæfni.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 6. mars 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Arnar Ágústsson, deildarstjóri Product management, [email protected] / 4409000.

Advertisement published16. February 2026

Application deadline6. March 2026

Language skills