Viltu vinna við flugfjarskipti
Isavia ANS óskar eftir að ráða áhugasama og fróðleiksfúsa nema í flugfjarskipti. Námið hefst í byrjun janúar 2025 og eru áætluð námslok í lok júní sama ár. Nemendur eru á launum á námstímanum.
Námið er tvíþætt: Bóklegur hluti í 10 vikur og fer fram á venjulegum dagvinnutíma, seinni hlutinn er starfsþjálfun í 16 til 20 vikur í flugfjarskiptadeild Isavia ANS í Grafarvogi. Sú þjálfun fer fram í vaktavinnu. Þeim sem standast lokapróf verður boðið starf flugfjarskiptamanns. Um vaktavinnu er að ræða.
Hlutverk fjarskiptamanna er að tryggja örugg og skilvirk samskipti milli flugvéla, flugstjórnarmiðstöðva, flugrekenda, veðurstofa og annarra aðila sem koma að flugsamgöngum. Fjarskiptin fara fram á ensku og felast í móttöku og sendingu á skeytum er varða öryggi flugsins svo sem staðarákvarðanir, margvíslegar flughæða-, hraða- og flugleiðabreytingar, veðurskeyti, upplýsingar um lendingarskilyrði á flugvöllum og því um líkt.
Lesa má nánar um Flugfjarskipti Isavia ANS hér
- Stúdentspróf eða sambærileg menntun
- Tölvukunnátta og góður skrifhraði á tölvu
- Góð íslensku- og enskukunnátta, bæði í töluðu og rituðu máli
- Nákvæm og sjálfstæð vinnubrögð