Viltu beisla vindinn? Verkefnastjóri í þróun vindorku

Við Íslendingar eigum lítt beislaða og endurnýjanlega auðlind í vindinum, sem gnægð er af hér á landi. Við hjá Landsvirkjun ætlum að gera þessa auðlind að þriðju stoðinni í orkuvinnslu fyrirtækisins, samhliða vatnsafli og jarðvarma, í takt við framtíðarsýn okkar um sjálfbæran heim, knúinn endurnýjanlegri orku.

Við leitum að verkefnastjóra í deild vindorku á sviði vinds og jarðvarma með þekkingu og áhuga á orkumálum. Í starfinu reynir mikið á samskipti við hagaðila því umhverfis- og skipulagsmál eru okkur hugleikin. Þú þarft því að hafa brennandi áhuga á mannlegum samskiptum, sýna frumkvæði og drifkraft, og hafa hæfni til að vinna sjálfstætt.

Við hverju má búast?

• Að þróa og stýra nýjum verkefnum á sviði vindorku
• Að bera ábyrgð á samskiptum við hagaðila og sjá um kynningar innan og utan Landsvirkjunar
• Að greina og vinna úr gögnum um vindauðlindina
• Að taka þátt í ýmsum vinnuhópum og veita almenna ráðgjöf innan fyrirtækisins

Hefur þú eftirfarandi hæfni og reynslu sem nýtist í starfi?

• Háskólamenntun sem nýtist í starfi svo sem verkfræði eða raungreinamenntun
• Reynsla af verkefnastjórnun
• Kostur að hafa reynslu af störfum tengdri vindorkunýtingu
• Framúrskarandi samskipta- og skipulagshæfni, og metnað til að vaxa í starfi
• Kostur að hafa þekkingu á skipulagsmálum og reynsla af samskiptum við hagaðila innanlands

Hvernig vinnustaður er Landsvirkjun?

Við leggjum ríka áherslu á fagmennsku, sjálfbærni og stöðugar umbætur. Verkefnastjóri í þessu starfi hefur bein áhrif á orkuvinnslugetu framtíðarinnar og fær tækifæri til að hafa langtímaáhrif á mikilvæg mannvirki. Við styðjum við starfsfólk okkar með símenntun, sveigjanleika og góðu starfsumhverfi þar sem jafnrétti, traust og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og hvað kveikir áhuga þinn á starfinu. Fyrirspurnir má senda á netfangið [email protected].