Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

About

Forstöðumaður hönnunardeildar

Vegagerðin auglýsir eftir öflugum leiðtoga í starf forstöðumanns hönnunardeildar. Á hönnunardeild vinna um 15 sérfræðingar við verkefnis- og hönnunarstjórnun, hönnun vega, jarðganga og brúa, mat á umhverfisáhrifum, vatnafarsgreiningar ásamt gerð kostnaðaráætlana, verk- og útboðslýsinga. Starfsstöðvar eru á Akureyri og í Garðabæ.

Verkefni hönnunardeildar eru m.a.

Hönnunarstjórn og hönnun í nýframkvæmdum og viðhaldi.
Verkefnisstjórn og hönnun frumdraga.
Hönnunarrýni og gerð leiðbeininga um hönnun.
Gerð kostnaðaráætlana og verklýsinga.
Innkaup á ráðgjöf við hönnun.
Mat á umhverfisáhrifum, umferðaröryggismat og -rýni auk kortlagningar á umferðarhávaða.
Vatnafarsgreiningar, burðarþolsmat, úrvinnsla ýmissa mælinga.
Þróun verklags sem snýr að hönnun og undirbúningi verka.

Helstu verkefni og ábyrgð

Forstöðumaður leiðir þróun og faglega starfsemi hönnunardeildar. Forstöðumaður leiðir umbótaverkefni og stefnumótun, ásamt því að bera ábyrgð á hagkvæmum rekstri og skilvirkri starfsemi deildarinnar. Forstöðumaður heyrir undir framkvæmdastjóra mannvirkjasviðs.

Ábyrgð á áætlanagerð, kostnaðareftirliti og frávikagreiningu í rekstri deildar
Ábyrgð á starfsfólki deildarinnar og góðu starfsumhverfi
Fylgist með alþjóðlegri þróun og nýsköpun innan fagsviðs deildarinnar
Samskipti við hagaðila innan sem utan stofnunar
Vera faglegur leiðtogi í hönnun gagnvart deildum á svæðismiðstöðvum

Menntunar- og hæfniskröfur

Framúrskarandi hæfni í mannlegum samskiptum
Sterk leiðtogahæfni
Háskólapróf á sviði verk- og tæknifræði, ásamt meistaraprófi sem nýtist í starfi
Haldbær reynsla af verkefnum sem hönnunardeild fæst við
Reynsla af stjórnun, stefnumótun og rekstri æskileg
Mjög góð hæfni til ákvarðanatöku, eftirfylgni og verkefnastýringar
Árangursdrifni, frumkvæði og faglegur metnaður
Mjög góð íslensku- og enskukunnátta í rituðu og töluðu máli
Kunnátta í norðurlandamáli er kostur.

Laun samkvæmt gildandi kjarasamningi sem fjármála- og efnahagsráðherra og Verkfræðingafélag Íslands hafa gert.

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið

Starfshlutfall er 100%

Umsóknarfrestur er til og með 18.02.2026

Nánari upplýsingar veitir

Arndís Ósk Ólafsdóttir Arnalds, framkvæmdastjóri - [email protected] - 522 1000

Advertisement published28. January 2026

Application deadline18. February 2026

Language skills