EFLA hf

EFLA er leiðandi þekkingarfyrirtæki sem veitir fjölbreytta þjónustu á öllum helstu sviðum verkfræði, tækni og tengdra greina. Hjá EFLU starfa um 400 starfsmenn í samstæðu fyrirtækisins á Íslandi og erlendis. EFLA hefur á að skipa mjög hæfu og reynslumiklu fagfólki á fjölmörgum sviðum. Sameiginlegt markmið þess er að auka virði fyrir viðskiptavinina með því að veita bestu mögulegu þjónustu og lausnir.

About

Vilt þú móta framtíð iðnaðar með okkur?

EFLA leitar að metnaðarfullum og áhugasömum starfskrafti í teymi stjórnkerfa á iðnaðarsviði EFLU. Starfið býður upp á tækifæri til að starfa í öflugu teymi með reyndum sérfræðingum og vinna að fjölbreyttum og spennandi verkefnum er tengjast hönnun stjórnkerfa í iðnaðarumhverfi og fyrir tæknikerfi bygginga.

Helstu verkefni og ábyrgð

Hönnun og teikningar á stýriskápum og kraftskápum
Forritun og prófanir á stjórnkerfum fyrir iðnað og byggingar
Hönnun ljósastýringa
Vinna við sérhæfð hússtjórnarkerfi svo sem Siemens, Honeywell ofl.
Vinna við iðnstýrikerfi svo sem Rockwell, Schneider og Siemens
Efnisval og samþykktir
Þjónusta við viðskiptavini
Verkefnastýring

Menntunar- og hæfniskröfur

Háskólamenntun sem nýtist í starfi svo sem á sviði hátækni-, rafmagns-, eða heilbrigðisgreina.
Reynsla af rafmagni og stýringum er kostur
Áhugi á tækninýjungum er nauðsynleg
Frumkvæði og sjálfstæð vinnubrögð
Þjónustulipurð og færni í mannlegum samskiptum
Góð almenn tölvukunnátta

Fríðindi í starfi

Góður og hollur matur í hádeginu
Vellíðunarstyrkur
Samgöngustyrkur
Hreyfistyrkur
Fæðingarstyrkur
Gleraugnastyrkur
Símastyrkur
Símaáskrift og heimatenging

EFLA er þekkingarfyrirtæki sem starfar á sviði verkfræði og tækni.

EFLA leggur mikla áherslu á að bjóða upp á nærþjónustu um allt land og starfrækir öflugar starfsstöðvar á landsbyggðinni. Við bjóðum störf óháð staðsetningu svo starfsfólk geti búið í sinni heimabyggð hvar sem er á landinu, unnið í spennandi verkefnum og tilheyrt öflugum teymum. Um fjórðungur starfsfólks EFLU starfar á landsbyggðinni.

Við bjóðum upp á afbragðs starfsumhverfi, sveigjanlegan vinnutíma og góðan starfsanda.

Öll starfsemi EFLU byggir á teymishugsun þar sem samvinna, þátttaka og samábyrgð í sterkri liðsheild eru grundvallaratriði. Gildi EFLU eru hugrekki, samvinna og traust og leggjum við mikið upp úr því að fá til liðs við okkur kraftmikið, jákvætt og metnaðarfullt starfsfólk sem skarar fram úr á sínu sviði.

EFLA er jafnlaunavottað fyrirtæki og hefur unnið frumkvöðlastarf í sjálfbærum rekstri.